„ДОДЕКА СПИЕ, СУЗАНА БДЕЕ НАД НЕГО“ Водителот ја откри здравствената состојба на Саша Поповиќ

Саша Поповиќ, креативниот директор на „Гранд“ продукција, извесно време отсуствува од работа поради здравствени проблеми.

За здравствената состојба и борбата на Саша сега за локалните медиуми зборуваше Зоран Пејиќ Пеја.

– Ситуацијата се подобрува, исклучително ми е драго, да не урочиме. Јас се молам на Бога и сите наши пријатели се молат на Бога да тој тоа го победи. Тој е голем борец и голем човек и заслужи да го победи сето тоа. Се подобрува, многу е бавно, но е достижно, вели Пеја за „Свет“, па откри како се држи Поповиќ.

– Феноменално се држи. Тој знае што треба да направи, го прави тоа. Тој патува, оди во Франција, па доаѓа дома. Овде има и прегледи, тука има и лекари кои се грижат за него. Сега тој е фокусиран на своето здравје. Сите контакти во врска со „Гранд“ ги остварува телефонски и дава директиви бидејќи се уште е музички магионичар и сето тоа без него не би било тоа што е – истакнува водителот.

На Саша цело време друштво му прави сопругата Сузана.

– Сузана е таков борец, дише за Сале. Таа е покрај него 24 часа, додека тој спие, таа го чува. Таа се грижи за него, го вози. Тој е под нејзина контрола, таа е голем борец и голема лавица и симнете и’ капа за сета љубов. Се е тоа нормално, долго време се во брак и немаа никаков стрес за време на бракот, уживаа, додава водителот.