ДИРЕКТОРКАТА НА УЧИЛИШТЕТО ВО ВРАЧАР ПРЕД РАЗРЕШУВАЊЕ Се предвидува и дисциплинска постапка за педагогот, психологот и за секретарот

Српската просветна инспекција предложи да се разреши директорката на белградското основно училиште „Владислав Рибникар“, Снежана Кнежевиќ и управниот орган на таа институција каде на почетокот на мај ученик уби девет ученици и чувар.

Инспекцијата предложила да се именува привремен орган на управување и да се именува в.д директор, соопшти денеска Министерството за образование на Србија.

Во извештајот дополнително се наредува спроведување на дисциплинска постапка против педагогот, психологот и секретарот на училиштето, кои ќе бидат суспендирани до завршување на наведената постапка, пренесе Бета.