ДИРЕКТОРКА НА УЧИЛИШТЕ ПОД ИСТРАГА Обвинитетата тајно делела часови и исплаќала незаконски плати
Во периодот од септември 2024 до март 2025 година, таа од пет вработени наставници со договор на неопределено време одзела часови и истите му ги доделила на нововработеното лице.
Секторот за внатрешни работи Штип поднесе кривична пријава против 56-годишната Ж.М. од Свети Николе, под сомнение за сторено кривично дело „злоупотреба на службената положба и овластување“.
Според информациите од полицијата, пријавената во својство на директор на средно училиште во Свети Николе распишала оглас и на 5 септември 2024 година вработила лице како наставник со неполно работно време од 18 часови. Во периодот од септември 2024 до март 2025 година, таа од пет вработени наставници со договор на неопределено време одзела часови и истите му ги доделила на нововработеното лице.
Со овие дејствија, осомничената незаконски му исплатила плата со придонеси во вкупен износ од 174.805 денари, со што го оштетила Буџетот на Министерството за образование и наука.
Случајот е документиран, а против директорката е поднесена соодветна кривична пријава.