Димитриевски ќе биде казнет од 300 до 600 евра поради напуштање на домот за време на самоизолација

Кумановскиот градоначалник, Максим Димитриевски, ќе биде казнет прекршочно, односно ќе треба да плати казна од 300 до 600 евра, бидејќи инспекцискиот надзор на ДЗСИ, покажал неколку прекршувања во Куманово.

– Констатирано е дека лицата на кои на 16.04 им е издадено решение за домашно лекување, направен е прекршок за непостапување по решение, односно истите го напуштиле местото на престој. Тоа е казниво за што ќе се изрече казна за прекршок, односно тоа е парична казна од 300 до 600 евра. Вториот прекршок е направен во евиденција во Службата за итна медицинска помош. Таму секако, како и за постапувањето на докторите од кумановската болница, веќе е во тек вонреден стручен надзор“, вели директорката Сотирова-Бухова.

Поточно директорката Иринка Сотирова-Бухова на денешната прес конференција истакна дека лицето М.Д. и уште едно лице иако добиле препорака за домашно лекување, го напуштиле домот.

– Направен е надзор во болницата „Жан Митрев“, лабораторијата „Биотек“ и лабораторијата „Систина“. Истиот ден, извршени се тестирања, заведени се во електорнската и дневникот за евиденција, а резултатите од тестовите се испратени по мејл. Од надзорот во матичните амбуланти на овие пациенти, констатирано е дека истите се секојдневно контактирани од матичните доктори, при што во ниту еден случај немаат дадено податок за влошување на здравствената состојба – додава Сотирова-Бухова.