ДИК: Сите гласачки места се отворени, до 9 часот гласале 5,19 отсто од гласачите

Државната изборна комисија информира дека сите гласачки места утрово се отворени навреме и процесот се одвива непрекинато и без проблеми.

До 9 часот од обработени податоци за  2..326 места  гласале 5,19 отсто од гласачите.

Во ИЕ 1 одѕивот на гласачите е 6,58 отсто. Најмногу гласачи до 9:00 имало во општина Аеродром каде одѕивот е 10,13 отсто, додека најмал е одѕивот во Студеничани – 1,81 отсто.

Во ИЕ 2 одѕивот е 4,58 отсто. Највисок е во Ѓорче Петров – 8,05 отсто, а најмал во општина Липково – 0, 93 отсто.

Шабани не ги соопшти податоците од изборната единица 4.

Во ИЕ 3 одѕивот до 9:00 часот е 6,1 отсто. Во оваа изборна единица најмногу гласачи до 9:00 часот излегле во Крива Паланка – 8,31 отсто и Пробиштип со 10,25.

Во ИЕ – 5 одѕивот е 5,22. Највисок е одѕивот во Кривогаштани 13,1, додека во Центар Жупа е најмал – 1,01 отсто.

Во ИЕ – 6 одѕивот на гласачите е 2,59. Во Јегуновце бил највисок 4,17 додека најмал во Врапиште 1,39 отсто.

Портпаролот на ДИК Адмир Шабани го соопшти процентот на изленоста на гласањето вчера во казнено-поправните домови, старските домови и на боните и немоќните на целосно обработени податоци.

Во казнено-поправните домови од вкупно 1 657 лица, гласале 1 282 или 76,76 отсто.

Од вкупно пријавени 8 325 пријавени болни и немоќни лица, гласале 94,04 отсто, додека во старските домови од 357 гласачи, се изјасниле 234 или 80,62 отсто.