ДЕВЕТ ЖЕНИ ГО ОБВИНИЈА ОСКАРОВЕЦОТ ЗА СЕКСУАЛНО ВОЗНЕМИРУВАЊЕ Славниот актер напаѓал и малолетнички
Девет жени го обвинија американскиот актер и музичар Џаред Лето за сексуално вознемирување, како и за предаторско однесување кон малолетни девојчиња, објави „Пејџ сикс“.
Девет жени го обвинија американскиот актер и музичар Џаред Лето за сексуално вознемирување, како и за предаторско однесување кон малолетни девојчиња, објави „Пејџ сикс“.
Диџејката од Лос Анџелес, Али ТејлЦ, неодамна сподели видео од 2012 година на Фејсбук на кое Лето (53) се однесува несоодветно кон неа, а таа тврди дека музичарот знаел дека во тоа време имала 17 години.
„Она што го направил беше предаторско, застрашувачко и неприфатливо“, рекла ТејлЦ.
Уште три жени го обвинија оскаровецот за сексуално вознемирување и злоупотреба, како и дека се соблекувал пред нив додека биле малолетни.
Лето е обвинет и за регрутирање млади жени да присуствуваат на забави во Лос Анџелес, а на тие забави имало 60 млади жени, во споредба со пет или шест мажи.
„Пејџ сикс“ наведува дека целта била да се натераат девојките да се соблечат и да пливаат голи во базенот во куќата на Џаред Лето.
Лето ги негираше сите обвинувања.
Иако обвинувањата датираат од пред години, тие дури сега добија поголемо внимание од јавноста откако претходно споменатата Али ТејлЦ го сподели своето искуство на социјалните мрежи.
Но, Али не е единствената!
„Не си навистина во Лос Анџелес сè додека Џаред Лето не се обиде да те нападне зад сцената… во килт… и снежна капа“, напиша ТејлЦ.
„Ме напаствуваше и трауматизираше од тој болен човек кога имав 17 години.“
Таа додала дека Лето бил целосно свесен за нејзината возраст:
„Тој знаеше колку години имам, но не го интересираше. Она што го направи беше предаторско, застрашувачко и неприфатливо.“
Во обемна истрага на списанието „Ер Мејл“, девет жени опишаа слични средби со Лето, често на јавни места, клубови или настани, каде што тој им пристапувал, започнувал разговори, барал телефонски броеви, а потоа ги контактирал со сексуални предлози – додека биле малолетни.
Портпаролот на Џаред Лето тврди дека актерот не консумирал алкохол или дрога повеќе од 35 години и не одговорил на дополнителните прашања на списанието „Пејџ сикс“.