ДЕТСКАТА КЛИНИКА Е „ОБЕЗГЛАВЕНА“ Разрешен е организацискиот директор

Министерот за здравство Беким Сали денеска го разреши од функцијата организацискиот директор на Универзитетската клиника за детски болести, Аљајдин Мемеди.

„Организацискиот директор на оваа Клиника се разрешува од функцијата пред истекот на времето за кое е именуван, поради утврдени нерегуларности во извештајот од извршената контрола на работењето на оваа Клиника. Контролата е спроведена од Фондот за здравствено осигурување“, се наведува во соопштението од Министерството за здравство.

По барање на министерот за здравство, денеска оставка од директорската позиција даде медицинската директорка на Униврзитетската клиника за детски болести, Аспазија Софијанова.