(ВИДЕО) ДЕЛЧЕВО Е ЗАФАТЕНО ОД НЕВРЕМЕ Градот е под вода
Врнежите од град со големина на лешник оштетија дел од раноградинарските култури, а настрадаа и дел од овошните насади.
Невреме со пороен дожд, врнежи од град и грмежи попладнево во 16.30 часот ги зафати Делчево и околните населени места. Поројниот дожд поплави голем дел објекти и предизвика потешкотии во одвивањето на сообраќајот.
Врнежите од град со големина на лешник оштетија дел од раноградинарските култури, а настрадаа и дел од овошните насади.
Од Општина Дечлево апелираа до граѓаните да пријават евентуални штети, а оттаму дополнително најавија информација за првичните штети настанати од невремето.
Поради невремето, во дел од делчевските населби во прекин е снабдувањето со електрична енергија.
Од Центарот за управување со кризи информираат дека екипи од ТППЕ Делчево се излезени на терен и интервенираат со две возила и петмина пожарникари, заедно со екипи на јавното комунално претпријатие.
(ОБНОВЕНО)
Поплавени повеќе од 60 објекти во населбата Пролет и на улицата Индустриска се последиците од невремето проследно со град што денеска го зафати Делчево и околината во периодот од 16:30 до 18:20 часот, информира Центарот за управување со кризи.
