🎥 ДАЛИ ВИСОК ФУНКЦИОНЕР НА ВМРО-ДПМНЕ ПРЕДЛОЖИЛ ДА СЕ ВНЕСАТ БУГАРИТЕ ВО УСТАВОТ? Партијата на Мицкоски духовито одговори на тврдењето на Бујар Османи
Ова е уште еден неуспех на Европскиот фронт на СДСМ и на ДУИ, изјавија од ВМРО-ДПМНЕ за Плусинфо.
„Еднаш, еден човек кој важи за близок до Бујар Османи, кажа дека министерот за надворешни работи рекол дека Русија е најголемиот стратешки партнер на Македонија и дека тој како дете чувал сликички од Сталин и се восхитувал на Елцин и на Путин. Сепак, ние нема да навлегуваме во точноста на ова тврдење, кое веројатно е слично на вистинитоста и на тврдењето на Бујар Османи за членот на Извршниот комитет на ВМРО-ДПМНЕ“.
Вака од опозициската ВМРО-ДПМНЕ му одговорија на кандидатот за шеф на државата од редовите на ДУИ и актуелен министер за надворешни работи Бујар Османи, кој во поткастот на Плусинфо истакна дека идејата за уставните измени ја добил од висок функционер на ВМРО-ДПМНЕ.
„Поважно е тоа што Бујар Османи како министер го има најлошиот извештај од Европската комисија. Таму пишува дека земјата нема напредок во борбата против корупцијата и криминалот и дека судството е нефункционално. Ова е уште еден неуспех на Европскиот фронт на СДСМ и на ДУИ“, изјавија од ВМРО-ДПМНЕ за Плусинфо.
View this post on Instagram
Во продолжение, погледнете ја целата емисија на нашиот канал на ЈуТјуб, каде што новинарот Бранко Героски и министерот Бујар Османи водат жестока полемика за повеќе важни државни прашања: