ДАЛИ Е ОПАСНО ДА СЕ ЈАДЕ ПЛАЦЕНТАТА ПО ПОРОДУВАЊЕТО? За плацентофагијата и зошто тоа не е најпаметен избор
Со оглед на тоа што плацентата служи за заштита на бебето од разни штетни материи, инфекции и вируси додека е уште во стомакот – јадењето на плацентата не се препорачува бидејќи со нејзината подготовка не се уништуваат штетните материи кои остануваат во неа.
Плацентата или постелката е заеднички орган бидејќи со еден дел е залепена на ѕидот на вашата матка, а другиот е свртен кон бебето.
На овој начин, бебето ги отфрла штетните материи кои се враќаат во вашиот крвоток за да бидат преработени од бубрезите.
Тоа е многу сложен орган кој во текот на девет месеци го храни плодот преку размена на хранливи материи и кислород, но и преку филтрирање на отпадот и штетните материи низ папочната врвца.
Јадењето на плацентата по породувањето се нарекува плацентофагија
Иако можеби првпат слушате за плацентофагија – овој необичен вид постнатална исхрана постои со години.
Во некоја постара историја овој обичај бил вообичаен кај некои племиња, а денес не е толку редок во исхраната на познатите.
Меѓутоа, со оглед на зголеменото ширење на информациите за здравата исхрана, многу трудници ширум светот прибегнуваат кон плацентофагија.
Познато е дека плацентата се подготвува сирова, печена, но се става и во разни смути и каши како посебен додаток.
Во некои земји може да се најдат и во форма на капсули.
Повеќе за ова прочитајте на „Мајка и дете“.