Чулев: Поранешниот директор на РЕК Битола, Ковачевски вршел изнуда врз фирма која добила тендер ВИДЕО
Министерот за внатрешни работи, Наќе Чулев денеска информира дека поранешниот директор на РЕК Битола, Васко Ковачевски и раководството вршеле изнуда врз фирма која се јавила и добила тендер.
– По информациите од Одделот за сериозен криминал и корупција поранешниот директор на РЕК Битола, Васко Ковачевски заедно со дел од раководството согласно пријавата вршеле изнуда врз фирма која добила тендер за ископ на јаловина. Се работи за реномирана фирма која се јавила на тендерот и го добила, но директорот и раководството им вршеле притисок и изнуда со цел договорот да биде отстапен на друга фирма, подизведувач, која ниту имала капацитет, ниту има механизација, но е блиска до СДСМ – рече Чулев.
Тој додаде дека ваквата понуда била одбиена, но притисокот и натаму продолжил, па МВР случајот го предало на надлежното обвинителство.
– Со оглед дека одговорните лица од правното лице кое што го добило тендерот ја одбило оваа изнуда, притисокот продолжил при што бил побаран поткуп од 250 илјади евра. Но било укажано дека ако не биде даден поткуп или не се отстапи просторот на другиот подизведувач, фирмата ќе се соочи со опструкции да не може да го реализира склучениот договор. Фирмата не ги прифатиле двете можности и се реализирало црното сценарио, за на крај еднострано од РЕК Битола еднострано е раскинат договорот и активирана е банкарската гаранција. Фирмата поведува граѓанска постапка и барањето за обесштетување е 1 милион евра. Се работи за голема сума за обесштетување како на РЕК Битола, така и на Буџетот. За жал од страна на ЕЛЕМ каде имале состанок не го пријавиле случајот. МВР поднесе известување до ОЈО и бараме од надлежното обвинителство да го реши случајот – додаде Чулев.
Изјава РЕК Битола 19.06.2020г.
❗ Денес бев во работна посета на Битола. Во рамки на изјавата за медиумите ја информирав јавноста за постапувањето на Одделот за организиран криминал по пријава која се однесува на претходниот директор на РЕК Битола, а сегашен директор на ЕСМ, а истовремено и висок функционер на СДСМ. ➡️ Согласно пријавата доставена до Министерството за внатрешни работи, претходниот директор и потесното раководството на РЕК Битола сториле кривични дела злоупотреба на службената положба и изнуда од правно лице кое на законски начин врз основа на законска постапка за јавна набавка склучило договор за извршување услуги со РЕК Битола. ➡️ За конкретниот случај од страна на Одделот за организиран криминал доставено е известување до Основото јавно обвинителство кое треба да даде насоки за целосно расчитување на овој случај. Го повикувам ОЈО да постапи по известувањата доставени од наша страна, а во насока на целосно расчитување и документирање на случајот.
由 Наќе Чулев 发布于 2020年6月19日周五