Чулев: Јас се залагам за построги мерки, па можно е воведување полициски час

Министерот за внатрешни работи, Наќе Чулев во гостувањето на „Само интервју“ на Канал 5, рече дека тој за време на седниците на Влада, настојувал за воведување на построги мерки, па почекува наскоро донесување на одлука за воведување на полициски час.

– Според вчерашните мерки, нема движње на Водно, забрането е собирање на група на луѓе од повеќе од 5 лица и некои други. Имаме проблеми со луѓето кои ги посетуваат парковите, но треба да знаат дека може да заработат прекршочни пријави поради непочитување на мерките донесени од Владата – рече Чулев.

Тој вели дека потребно особено да се редуцира движењето на граѓаните во вечерните часови, иако кажа дека интезитетот во овие часови од денот е значително намален, но за разлика од тоа во текот на денот е особено зголемен во парковите, кејот на реката Вардар и други места низ Скопје.