ЧЕТВОРИЦА ЛИХВАРИ СЕЕЛЕ СТРАВ И ТРЕПЕТ Барале огромни камати, тепале и запалиле автомобил на должник
Пријавените давале пари на заем со писмени и усмени договори и притоа за себе договарале несразмерно високи камати, со цел противправно да се стекнат со материјална корист.
Четири лица од Неготинио на возраст од 21 до 24 години биле лишени од слобода вчера, во координирана акција на одделот за криминалистичка полиција – Сектор за економски криминал и Сектор за општ и насилен криминал, а со поддршка на единицата за специјални полициски операции и СВР Велес.
Станува збор за лицата П.М.(22), Д.П.(23), Ј.К.(21) и В.З.(24), сите од Неготино, во чии домови бил извршен претрес поради сомнение за сторени кривични дела „лихварство“, „изнуда“, „загрозување на сигурноста“ и „предизвикување на општа опасност“.
Како што информираат од МВР, притоа биле пронајдени повеќе предмети од извршените кривични дела.
Пријавените давале пари на заем со писмени и усмени договори и притоа за себе договарале несразмерно високи камати, со цел противправно да се стекнат со материјална корист.
За да ја постигнат целта користеле закани, физичка сила, а на 9-ти месецов запалиле и автомобил, со што предизвикале пожар и општа опасност.
Против нив ќе биде поднесена кривична пријава до надлежното основно јавно обвинителство по чл.260, чл.258, чл.144 и чл.288 од Кривичниот законик, а од страна на надлежниот суд им е одреден притвор.асност по околината.