Четиринаесет отсто од позитивните на ковид во Франција се од новите варијанти

Прелиминарните резултати од последното истражување покажуваат зголемување на циркулацијата на варијантите на коронавирусот во Франција, кое сепак според експертите не е „експлозивно“, јави дописникот на МИА.

Бројот на заразените лица со варијантите на Ковид -19 сепак се зголемува во Франција, според првичните резултати од најновата флеш-анкета, како што објасни професорот Бруно Лина на БФМТВ, имено 14 отсто од позитивните случаи на коронавирус.

Ова истражување направено на 26 и 27 јануари, покажува дека движењето на вирусот се зголемува „линеарно и постојано“, но тоа не е „експлозивно“, според изјавите на Бруно Лина.

Сепак, Бруно Лина прецизира дека 20 отсто од примероците, односно меѓу 800 и 900, од примероците треба да бидат секвенционирани. Конечните наоди од испитувањето ќе бидат објавени текот на денот.

Во последното истражување на 7 и 8 јануари, англиската варијанта претставуваше само 3,3 отсто од позитивните тестови.