ЧЕКОРИТЕ НА ФИНСКА СЕ ЗА ЖАЛЕЊЕ Песков вели дека членството во НАТО е сигурна закана за Русија

Портпаролот на Кремљ, Дмитриј Песков, на прес конференција кажа дека чекорите што ги презема Финска кон НАТО се за жалење и причина за адекватен одговор, пренесуваат британските медиуми. Кремљ денеска објави дека чекорот на Финска кон членство во НАТО е „дефинитивно закана за Русија“ и дека проширувањето на северноатлантскиот воен блок нема да го направи светот постабилен.

– Знаете дека Финска се приклучи кон непријателските чекори преземени во рамките на ЕУ кон нашата земја. Тоа не може, а да не предизвика жалење – изјави Песков.

Финскиот претседател и премиер претходно денеска заедно изјавија дека земјата мора „без одлагање“ да бара членство во НАТО.