Променливо облачно време со сончеви периоди нè очекува во поголемиот дел од земјава, а во југоисточните делови ќе има услови за појава на слаби врнежи од дожд.

Ќе дува слаб до умерен ветер од североисточен правец.

Утринските температури ќе се движат од 1 степен во Берово до 11 степени во Гевгелија, додека максималните дневни температури ќе достигнат од 18 степени во Маврово до 26 степени во Гевгелија.

Во Скопје се очекува променливо облачно време со сончеви периоди. Ќе дува слаб до умерен ветер од променлив правец, а температурата ќе се движи од 8 до 25 степени.

Според прогнозата, во среда повторно ќе преовладува променливо облачно време со сончеви периоди. Ќе дува слаб до умерен ветер од северен правец.

Минималните утрински температури ќе се движат од 4 до 14 степени, а максималните дневни од 8 до 25 степени.

Во четврток, според прогнозата на УХМР, ќе биде сончево со мала облачност. Ќе дува слаб до умерен ветер од северен правец.

Утринските температури ќе се движат од 2 до 12 степени, додека максималните дневни ќе бидат во интервал од 17 до 25 степени.

The post УТРИНСКИ МРАЗ ВО БЕРОВО, ЛЕТНИ 26 СТЕПЕНИ ВО ГЕВГЕЛИЈА Голема температурна разлика низ земјава appeared first on plusinfo.mk.

Претседателот на ВМРО-ДПМНЕ и премиер Христијан Мицкоски вечерва на митингот на партијата во Брвеница ја обвини СДСМ дека се противи на владините политики и инвестиционите проекти, оценувајќи дека опозициската партија нема поддршка за, како што рече, развојот на државата.

Мицкоски се осврна на критиките од СДСМ за владините политики и актуелните инвестициони проекти, при што рече дека опозицијата се противи на сè што предлага и реализира власта.

– Вчера, токму овде во Брвеница, слушнавме тешки зборови од СДС и нивното водство. Слушнавме дека Македонија одела во погрешна насока, слушнавме обвиненија за рудници, за дата-центри, за странски влијанија, за меѓуетнички поделби, но граѓаните имаат право да слушнат и што стои зад тие зборови – рече Мицкоски.

Тој потоа упати директно прашање до СДС, велејќи дека не разбира за што, според него, се залага опозициската партија.

– Разбравме дека од СДС се против за сè, дека се против Владата, против сè за инвестиции, против биле за проектите. Кога одиме во САД велат сме имале скриени намери, кога разговараме за инвестиции тие зборуваат за некаква распродажба, кога зборуваме за индустрија и за рударство тие однапред прогласуваат катастрофа – рече премиерот.

Мицкоски додаде дека, според него, од СДСМ секојдневно доаѓаат нови обвинувања и прес-конференции кои ги оцени како „темелени на лаги, измислици и клевети“.

– За што се тие? Тие се за марихуана економија, тоа им лежи најмногу – рече Мицкоски.

Тој продолжи со обвинувања кон опозицијата, тврдејќи дека нејзините политики се насочени кон распродажба на државата и лично богатење.

– Тие се да ја распродаваат Македонија, да им ставите бел лист хартија, тие ќе потпишат сè само да не треба тие да го платат, само да можат да го платат граѓаните и Македонија, а тие да може што повеќе да украдат од истите и да стават во своите џебови – рече тој.

Мицкоски се осврна и на здравствениот систем и судско-обвинителскиот систем, при што упати дополнителни обвинувања кон поранешната власт.

– Тие се да прават таканаречени здравствени установи коишто им горат живи луѓе, а притоа преку нивните инсталации во судско-обвинителскиот систем да бидат амнестирани од истите, ете за тоа се тие – рече Мицкоски.

Според него, зад политиките на СДСМ не стои грижа за граѓаните и развојот на државата, туку, како што тврди, интерес за задржување на политичкото влијание и остварување лични придобивки.

– Тие се ако може на било кој чекор да украдат, да измислат нешто, но никако не се за да може да ја видат Македонија како се развива, како расте и како може да биде подобро место за живеење – рече Мицкоски.

The post СДСМ СЕ ПРОТИВ ВЛАДАТА, ПРОТИВ ИНВЕСТИЦИИТЕ, ПРОТИВ СÈ Мицкоски вели дека тие се само за „марихуана економија“ appeared first on plusinfo.mk.

Кујната е една од најважните простории во домот, каде што семејствата поминуваат многу време. Доколку нема простор за дневна соба, тука се добредојдени гостите. Ова е избор што содржи прекрасни и функционални кујни создадени од дизајнери.

Пронајдете инспирација за вашето следно реновирање со овие примери.

ПРОЧИТАЈТЕ ПОВЕЌЕ

The post ПЕТ ШИК ДИЗАЈНЕРСКИ КУЈНИ ШТО СИТЕ ЌЕ ГИ ОБОЖУВААТ Пронајдете инспирација за вашето следно реновирање appeared first on plusinfo.mk.

Рускиот министер за надворешни работи Сергеј Лавров изјави дека Русија би можела да ја уништи Европа во „кратка“ војна, истовремено обвинувајќи ги европските лидери дека забрзано се подготвуваат за вооружен конфликт со Москва.

Обраќајќи им се на новинарите на Генералното собрание на Обединетите нации во Њујорк, Лавров предупреди дека војната меѓу Европа и Русија би можела да стане „пророштво што ќе се оствари“.

– Немаме намера да се бориме против Европа ниту да влегуваме во војна со неа, тоа се чисти бесмислици. Меѓутоа, Европа се подготвува за војна со нас. Тие постојано повторуваат дека мора да бидат подготвени за војна најдоцна до 2030 година – изјави Лавров.

Тој додаде дека таквото сценарио би можело да се оствари бидејќи европските земји во моментов вложуваат огромни средства во производство на оружје.

– Во одреден момент, некој авантурист, а меѓу тие елити ги има многу, ќе каже: „Луѓе, собравме толку многу оружје, што сега да правиме со него? А, да, ветивме дека ќе ја нападнеме Русија“. Во тој случај, ако нè нападнат, сигурно нема да седиме со скрстени раце – порача рускиот министер.

Алузирајќи на можноста за употреба на нуклеарно оружје, Лавров додаде:

– Тоа би била целосно поинаква војна и би била кратка.

Лавров ја обвини Германија дека сака „Четврти рајх“

Изјавите на Лавров уследија само неколку часа откако, на маргините на заседанието на Генералното собрание на ОН, тој се сретна со германскиот министер за надворешни работи Јохан Вадефул. Тоа беше нивна прва директна средба од периодот пред почетокот на руската инвазија врз Украина во 2022 година.

Лавров истовремено ја обвини Германија дека тежнее кон создавање „Четврти рајх“ и дека поттикнува „нацизам“ во Европа.

– Овој тренд во Европа не се огледува само во отворената поддршка на нацизмот во Украина. Германскиот канцелар Фридрих Мерц повеќепати повтори, и тоа не беше лапсус, дека целта е Германија повторно да стане водечка воена сила во Европа – изјави Лавров.

Осврнувајќи се на улогата на Германија во Втората светска војна, тој додаде:

– Дали тој воопшто разбира што во овој контекст значи зборот „повторно“?

Вадефул подоцна ги информирал европските сојузници за разговорот, наведувајќи дека ја искористил средбата за повторно да го истакне германскиот став за руската агресија врз Украина и да повика на итен и целосен прекин на огнот, со посебен фокус на извозот на жито и заштитата на енергетската инфраструктура.

Тензиите меѓу Берлин и Москва дополнително се зголемија откако германските власти заклучија дека Русија стои зад обидот за напад со дрон врз аеродромот Лајпциг/Хале на 4 август.

Германскиот министер за внатрешни работи Александар Добринт претходно овој месец изјави дека, врз основа на анализата на технологијата на употребениот дрон и разузнавачките податоци, недвосмислено било утврдено дека Русија е одговорна за, како што го нарече, хибридниот напад.

– Инцидентот во Лајпциг не го гледаме изолирано, туку како дел од пошироки хибридни активности. Претпоставуваме дека Германија е цел на нови руски напади од овој вид – предупреди Добринт.

Вадефул тогаш најави дека Германија до крајот на месецот ќе го затвори рускиот конзулат во Бон и ќе го раскине договорот за користење на Рускиот дом, културниот центар во Берлин.

The post ЛАВРОВ СЕ ЗАКАНИ СО УНИШТУВАЊЕ НА ЕВРОПА Ако нè нападнат, војната ќе биде кратка и целосно поинаква appeared first on plusinfo.mk.

Дознајте што предвидува вашиот неделен хороскоп, што ве очекува во следните седум дена на работа, во љубовта, во вашиот дом и семејство, дали ќе се сложувате со вашето семејство и пријатели, како ќе ви служи вашето здравје.

Овен (21.3 – 20.4)

Работа: Почетокот на периодот ви носи успех во приватниот бизнис или во јавната дејност. Со Меркур, владетелот на вашата работа, во куќата на парите, од 30 септември ќе вложувате повеќе напори за да ги решите прашањата поврзани со наследство, поделба на имот, алиментација, кредити или стипендии. Венера, која управува со вашите финансии, на 3 октомври тргнува ретроградно, носејќи ви стари долгови и финансиски проблеми.

Љубов: Со нагласена куќа на бракот и партнерските односи, ве очекуваат конфликти, недоразбирања, кавги и расправии со саканата личност. Вашиот владетел Марс, на 28 септември, влегува во куќата на љубовта, носејќи им на слободните Овни нова врска и проширување на семејството. Кон крајот на периодот се зголемуваат шансите за средба со стара љубов.

Здравје: Проблеми со урогениталниот тракт.

Бик (21.4 – 21.5)

Работа: Со нагласена куќа на работата, во текот на овој период ќе бидете најмногу фокусирани на работните обврски и задачи. Месечината во вашиот знак на 28 септември го активира фиксниот Т-квадрат, носејќи ви конфликти со претпоставените и авторитетите. Истиот ден, тригонот на Меркур со Северниот Месечев јазол во куќата на кариерата ви носи можност за напредување на работното место и успех во јавната дејност.

Љубов: Марс, планетата на конфликтите, на 28 септември влегува во куќата на приватноста, носејќи семејни конфликти. Меркур, планетата на комуникацијата, која управува и со вашиот емотивен живот, на 30 септември влегува во куќата на љубовта, а вашиот владетел Венера на 3 октомври тргнува ретроградно низ куќата на бракот, носејќи расправии со саканата личност.

Здравје: Воведете поздрави навики.

Близнаци (22.5 – 21.6)

Работа: Со нагласена куќа на креативноста ве очекуваат добивки преку приватниот бизнис или јавната дејност. Марс, планетата на акцијата, на 28 септември влегува во куќата на работата, носејќи можност за договор или потпишување договор за профитабилен проект. Венера, владетелот на вашите финансии, на 3 октомври влегува во куќата на работата, носејќи ви проблеми со соработниците, особено со жените.

Љубов: Преминувањето на Сонцето низ куќата на љубовта, децата и радоста, на слободните Близнаци им носи можност за влегување во нова врска и проширување на семејството. Вашиот владетел Меркур, кој управува и со вашиот приватен живот, на 28 септември прави тригон со Северниот Месечев јазол, носејќи ви контакт со личност од странство.

Здравје: Интензивирање на хроничните тегоби по 30 септември.

Рак (22.6 – 22.7)

Работа: Марс, кој управува со вашите финансии, по две години, на 28 септември од куќата на парите влегува во куќата на работата, носејќи ви можности за напредување во кариерата и зголемување на приходите, особено преку неконвенционални извори на заработка. Влегувањето на планетата на бизнисот во куќата на креативноста, по една година, на 30 септември ви носи успех во уметничка професија или јавна дејност.

Љубов: Со нагласена куќа на приватниот живот, во текот на овој период ве очекуваат семејни проблеми. Влегувањето на Меркур во куќата на љубовта и децата, на 30 септември, на слободните Ракови им носи љубов и можност за принова во семејството. Ретроградното движење на Венера во куќата на љубовта, од 3 октомври, ви носи контакт со поранешниот партнер.

Здравје: Зголемена нервоза по 30 септември.

Лав (23.7 22.8)

Работа: Вашиот владетел Сонцето, симболот на успехот, во куќата на комуникацијата ви носи заработка преку кратки патувања или нови договори. Марс, по две години, на 28 септември влегува во вашиот знак, носејќи ви прилив на енергија, елан и ентузијазам за остварување на целите. Ретроградното движење на Венера, планетата на парите, низ куќата на финансиите, од 3 октомври предупредува на финансиски проблеми и проблеми со недвижности.

Љубов: Меркур, планетата на комуникацијата, на 30 септември влегува во куќата на приватноста, носејќи семејни недоразбирања, кои ќе се интензивираат кога на почетокот на октомври ќе ѝ се придружи и планетата на емоциите. Тоа може да резултира со конфликти со жените во семејството. Слободните Лавови ги очекува средба со стара љубов.

Здравје: Чувствителен урогенитален тракт.

Девица (23.8 – 22,9)

Работа: Нагласената куќа на работата, низ која минува Сонцето, ве фокусира на заработката, но плановите ви ги попречува опозицијата со планетите на илузиите и ограничувањата во куќата на парите. По 30 септември, вашиот владетел Меркур, кој управува и со вашата кариера, влегува во знакот на својата егзалтација, носејќи ви успех на испити, во договори и преку кратки патувања. Кон крајот на неделата можни се проблеми во комуникацијата.

Љубов: Опозицијата меѓу Нептун, владетелот на партнерските односи, и Сонцето ви носи разочарување поради идеализирање на личност која премолчила дека е зафатена или на некој начин ве доведувала во заблуда. Влегувањето на Венера, планетата на љубовта, во куќата на комуникацијата на 3 октомври може да ви донесе контакт или средба со стара симпатија.

Здравје: Потреба за интроспекција по 28 септември.

Вага (23.9 – 22.10)

Работа: Опозицијата меѓу Сонцето во вашата куќа на личноста и Нептун и Сатурн, планети на заблуди и доцнења, ви носи промена на плановите. Влегувањето на Марс во куќата на парите, на 28 септември, ја поттикнува вашата креативност и организациски способности и ветува поголема заработка. Меркур во куќата на работата од 30 септември носи добивки, но ретроградната Венера од 3 октомври предупредува на вонредни трошоци.

Љубов: Напнатиот аспект со Хирон, симболот на слабата точка, во куќата на партнерството, на 30 септември повторно ги изнесува на површина старите проблеми во односот со саканата личност. Истиот ден, влегувањето на Месечината во куќата на љубовта, каде што веќе се наоѓа Уран, планетата на неочекуваните околности, ви носи ненадејна средба со харизматична личност.

Здравје: Чувствителен коскено-зглобен систем.

Шкорпија (23.10 – 22.11)

Работа: Вашиот владетел Марс на 28 септември влегува во куќата на кариерата, предупредувајќи на конфликти со колегите и претпоставените, особено со мажите. Меркур на 30 септември влегува во вашиот знак, носејќи ви нови контакти и можности за поголема заработка, но и поголеми трошоци. Ретроградното движење на Венера, планетата на парите, по една година, низ вашата куќа на личноста, од 3 октомври носи финансиски проблеми.

Љубов: Северниот Месечев јазол во куќата на приватниот живот на 28 септември прави тригон со планетата на комуникацијата во куќата на потсвеста, носејќи ви подобрување на односите со членовите на семејството. Владетелот на партнерските односи кон крајот на периодот тргнува ретроградно, носејќи ви контакт или средба со стара симпатија.

Здравје: Наспивајте се.

Стрелец (23.11 – 21.12)

Работа: Сонцето ја осветлува вашата куќа на плановите и парите, носејќи можности за нови извори на заработка и успех во јавната дејност. По две години, на 28 септември, планетата на акцијата влегува во знакот на успехот, каде што се наоѓа и вашиот владетел Јупитер, симболот на благосостојбата и среќните околности. Тоа најавува поволно решавање на финансиски и правни прашања. Послушајте го советот на Водолија или Близнаци.

Љубов: Влегувањето на Марс, владетелот на љубовниот живот, во деветтата куќа на почетокот на периодот носи можност за заљубување на патување, во странство или преку социјална мрежа. Венера, владетелот на општествениот живот, тргнува ретроградно, што најавува повеќе дружења и излегувања, но и средби со поранешни емотивни партнери.

Здравје: Потреба за осаменост.

Јарец (22.12 – 20.1)

Работа: Владетелите на вашите финансии и работата, во куќата на кариерата, прават напнати аспекти со Нептун и вашиот владетел Сатурн, носејќи ви конфликти со претпоставените. Со Марс, планетата на акцијата, во куќата на парите од 28 септември ве очекуваат поголеми приходи, но и поголеми трошоци. Кон крајот на периодот, Меркур влегува во куќата на плановите, фокусирајќи ве на општествен или политички ангажман, но бидете внимателни.

Љубов: Влегувањето на Месечината, владетелот на партнерските односи, во деветтата куќа на 28 септември, на слободните Јарци им најавува запознавање со некого на патување или во странство. Планетата на љубовта, која управува со вашиот емотивен живот, на 3 октомври тргнува ретроградно низ куќата на општествениот живот, носејќи средба со поранешен партнер.

Здравје: Подложност на повреди на работното место.

Водолија (21.1 – 19.2)

Работа: Со нагласена деветта куќа ве очекува успех преку патувања, контакти со странци, образование, решавање правни прашања, потпишување договори, нови извори на заработка или унапредување на приватниот бизнис. Меркур, планетата на комуникацијата, по една година, на 30 септември влегува во куќата на кариерата, носејќи конфликти и проблеми со жените на работното место, особено од 3 октомври.

Љубов: Влегувањето на Марс, планетата на страста, но и на конфликтите, во куќата на бракот и партнерството, по две години, на 28 септември носи конфликти, недоразбирања, расправии, кавги и проблеми со саканата личност. Планетата на љубовта кон крајот на периодот тргнува ретроградно, повторно отворајќи ги проблемите од минатото.

Здравје: Дополнителна претпазливост во сообраќајот.

Риби (20.2 – 20.3)

Работа: Нагласената куќа на парите, во која се наоѓа и владетелот на вашата работа, во текот на овој период предупредува на финансиски проблеми. Од 30 септември, кога Меркур влегува во деветтата куќа, а особено од 3 октомври, кога тргнува ретроградно, можете успешно да ги решите заостанатите правни прашања или незавршените обврски поврзани со подолги патувања, испити или запишување на студии.

Љубов: Влегувањето на Месечината, владетелот на вашиот љубовен живот, во куќата на комуникацијата на 28 септември, најавува контакт или средба со Бик. Венера, планетата на љубовта, кон крајот на периодот тргнува ретроградно од осмиот степен на Скорпија, поврзан со страста и љубомората, носејќи можност за враќање на поранешниот партнер во вашиот живот.

Здравје: Внесувајте повеќе витамини.

The post НЕДЕЛЕН ХОРОСКОП ОД 28 СЕПТЕМВРИ ДО 4 ОКТОМВРИ Овенот решава финансиски прашања, a Лавот семејни конфликти appeared first on plusinfo.mk.

Руските сили денеска извршија моќен воздушен напад врз Киев, а една од главните цели беше зградата на Националната академија на науките на Украина.

Според првите информации објавени од украинскиот претседател Володимир Зеленски, во нападите има убиени цивили, а на терен е во тек голема спасувачка операција.

Снимки од уништената и запалена зграда на Академијата се појавија на социјалните мрежи, на кои се гледа како луѓе преку прозорците е обидуваат да ја напуштат запалената зграда.

Civiles atrapados en el edificio de la Academia Nacional de Ciencias de Kiev treparon por las ventanas para escapar del incendio tras un ataque ruso con drones. pic.twitter.com/uJiBzi5sZE

— Alerta Mundial (@AlertaMundoNews) September 28, 2026

Видеата и фотографиите го прикажуваат урнатиот покрив и горните катови на историската зграда, од која се излеваат огромни отворени пламени и густ црн чад. Дворот и улицата пред зградата се закопани под тули, гипс и бетонски остатоци, додека автомобилите паркирани во близина се смачкани под урнатините. Пожарникарите се обидуваат да го локализираат пожарот и бараат луѓе кои се заробени во зградата.

A Russian strike against the building of the National Academy of Sciences of Ukraine. A rescue operation is underway: crews are putting out the fire and searching for people who may have been trapped inside. All services are deployed. Today in Kyiv, a pharmaceutical company and… pic.twitter.com/ccfIHnGFNg

— Volodymyr Zelenskyy / Володимир Зеленський (@ZelenskyyUa) September 28, 2026

„Руски напад ја погоди зградата на Националната академија на науките на Украина. Спасувачките операции се во тек: екипите го гаснат пожарот и бараат луѓе кои можеби се заробени внатре. Сите служби се распоредени“, објави Зеленски на Икс.

Украинскиот претседател нагласи дека зградата на Академијата не била единствената цел на денешните руски напади врз главниот град и другите региони.

„Денес, фармацевтска компанија и бензински пумпи беа нападнати во Киев; бизнис центар во Днепар, а во други градови и региони беа нападнати цивилни објекти, бизниси и комуникациска инфраструктура. За жал, беа убиени луѓе. Изразувам сочувство до нивните семејства и најблиските“, напиша украинскиот претседател.

Тој нагласи дека овие напади мора да послужат како јасен сигнал до западните партнери за потребата од понатамошна поддршка.

– Русија дефинитивно ќе се соочи со одговор на ова. Секој од партнерите на Украина мора да види од овој терор и овие напади дека поддршката за Украина значи вистинска поддршка за човечките животи и поддршка за принципот дека теророт никогаш не смее да се нормализира никаде. Русија мора да ја сноси одговорноста за сето ова и да се соочи со вистинските последици – рече Зеленски, заблагодарувајќи им се на сите што ѝ помагаат на Украина.

Russia has struck central Kyiv again, hitting a Dobrobut medical center shortly after the attack on the National Academy of Sciences building.

Emergency crews are at the scene. Casualties and damage are still being assessed. pic.twitter.com/64qiXX4HKD

— KyivPost (@KyivPost) September 28, 2026

The post 🎥 РУСИТЕ ЈА РАЗНЕСОА АКАДЕМИЈАТА НА НАУКИТЕ ВО КИЕВ Луѓето низ прозорци бегаат од запалената зграда appeared first on plusinfo.mk.

Европската Унија треба да го забрза процесот на вооружување за да ја достигне својата цел за 2030 година, порача високата претставничка за надворешни работи и безбедносна политика Каја Калас по состанокот на министрите за одбрана на ЕУ.

Европската Унија усвои план за подготвеност за одбрана за 2030 година, кој предвидува забрзување на инвестициите во одбраната во сите земји-членки и затворање на празнините во одбранбените капацитети.

Планот вклучува 4 водечки иницијативи: европската иницијатива за одбрана од беспилотни летала; зајакнување на надзорот на источните граници; европскиот небесен штит и европскиот вселенски штит.

– На Европа ѝ е потребна решителна промена во обемот и темпото на инвестициите во одбраната, развојот на капацитетите, иновациите и индустриските капацитети – рече Калас.

Една од темите на министерскиот состанок беше понатамошната воена помош за Украина. Калас ги повика земјите-членки кои имаат системи за воздушна и ракетна одбрана „Патриот“ во своите залихи да ги испорачаат на Украина, на која итно ѝ се потребни сега, а тие би можеле да ги надополнат своите залихи подоцна.

– Производството на „Патриот“ бара време, а на Украина ѝ се потребни овие системи веднаш. Една опција е земјите-членки и партнерите да испорачаат ракети на Украина од сопствените залихи во замена за подоцнежна испорака што ќе биде финансирана од заемот за поддршка на Украина – рече Калас.

Земјите-членки минатата недела деблокираа 6,6 милијарди евра од Европскиот мировен фонд за Украина по повеќе од 3 години. Парите беа блокирани поради вето од поранешниот унгарски премиер Виктор Орбан.

Европскиот мировен фонд првично беше користен за компензација на земјите-членки што ја снабдуваа Украина со оружје од сопствените залихи. Од 6,6 милијарди евра, 4,7 милијарди евра ќе бидат искористени за оваа намена.

The post КОЈ ИМА РАКЕТИ „ПАТРИОТ“ ВЕДНАШ ДА Ѝ ГИ ДАДЕ НА УКРАИНА Калас предложи државите подоцна да си ги обноват залихите appeared first on plusinfo.mk.

Новите цени на горивата од ноќеска на полноќ носат поевтини горива за 1,06% во однос на одлуката од 21.9.2026 година, односно дизелот ќе се продава по цена од 100 денари за литар, а стотка ќе биде и бензинот. Кај дизелот има поевтинување  за 4,5 денари, а кај бензинот поскапување за 1 денар.

Според најновите цени, од ноќеска на полноќ ЕУРОСУПЕР БС-95 ќе се продава по 100 денари, а БС-98 по 102 денар за литар.

Дизел горивото ЕУРОДИЗЕЛ БС ќе чини 100 денари за литар.

Екстра лесното масло за горење ќе се продава по 111,5 денари за литар, а мазутот М-1 НС за 49,882 денари за килограм.

„Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 0,049%, кај дизелот има намалување за 6,734%, кај екстра лесното масло, исто, има намалување и тоа за 4,936% и кај мазутот намалувањето е за 1,630%. Курсот на денарот во однос на доларот во изминатиот период по кој беа формирани цените со претходната пресметка е повисок за 0,9522%. Во Одлуката на РКЕ е применета владината одлука за намалениот износ на ДДВ за нафтениот дериват ЕУРОДИЗЕЛ во износ од 10% и е применет намален износ на акцизата од 4,00 денари за литар кај бензините ЕУРОСУПЕР БС-95 и ЕУРОСУПЕР БС-98, како и кај ЕУРОДИЗЕЛ (Д-Е В)“, соопшти Регулаторната комисија за енергетика.

Од РКЕ напоменуваат дека трговците на големо и на мало со нафтени деривати и горива за транспорт можат да ги формираат цените и пониско од највисоките утврдени цени.

The post ПОЕВТИНИ ДИЗЕЛОТ, ЌЕ ЧИНИ 100 ДЕНАРИ ЗА ЛИТАР Бензинот поскапе минимално appeared first on plusinfo.mk.

Венко Филипче и СДСM, чија политика се темели на тоа да се биде контра на ставовите на власта колку да кажат дека имаат различен став, деновиве доживува дополнителен дебакл, рече денеска пратеникот на ВМРО-ДПМНЕ, Бране Петрушевски.

– Наместо консолидација во редовите на опозицијата, што е здрава поставеност на политичката сцена, јавноста од викендов сведочи на дополнителни поделби. Јавноста сведочи на распад во живо. Наместо заеднички опозициски фронт, се множат фракции, суети и меѓусебни пресметки проткаени со низа на навреди. Во и онака слабиот СДСМ, кој е пред распаѓање, јасна политичка алтернатива сè помалку е на повидок, контрашот Филипче треба да разбере дека ставот да се биде само против е погубен – рече Петрушевски.

ВМРО-ДПМНЕ како политичка партија, сега од позиција на власт, секако дека ги анализира сите политички појави и движења, додаде тој.

– Нашиот став е многу јасен. Прво, ВМРО-ДПМНЕ смета дека тоа е нивна внатрешна работа и не ни помислува да се меша и второ, ако се прашува некој дали ни одговара или не, секако дека ни одговара, но тоа не е здраво за демократските процеси во државата. ВМРО-ДПМНЕ јасно порачува, народот не треба да се потценува, секој еден граѓанин знае зошто се определил за нас, а дал црвено светло за СДСМ. Филипче ако сака да ја консолидира СДСМ треба да знае дека ставот да се биде исклучиво против може да даде само еден резултат, а тоа е тонење и исчезнување на СДСМ. Затоа за добро на граѓаните и на државата потребна е побрза консолидација – рече Петрушевски.

The post ЈАВНОСТА СВЕДОЧИ НА РАСПАД ВО ЖИВО НА СДСМ Владејачката ВМРО-ДПМНЕ ги анализира случувањата и не се меша appeared first on plusinfo.mk.

Дури 38 процентни поени би ја делеле Марин Ле Пен од Жан-Лик Меланшон ако двајцата во моментот се најдат во втор круг од претседателските избори во Франција. Популарната десничарка, лидерка на партијата Национален собир би освоила 69%, а лидерот на Непокорна Франција 31%, покажува истражувањето на „Толуна-Харис“.

Трката идната година ќе биде без Емануел Макрон. Актуелниот француски претседател го завршува вториот последователен мандат во мај и, според францускиот Устав, не може да се кандидира за трет последователен мандат.

Претседателските избори се закажани во април.

Предноста за Марин Ле Пен е помала, но и натаму изразена ако противник ѝ биде поранешниот премиер и актуелен градоначалник на Авр, Едуар Филип. Во таков дуел Ле Пен би имала 57% наспроти 43%, односно разлика од 14 процентни поени.

Анкетата не претскажува кој ќе победи на изборите, туку покажува како би гласале испитаниците во хипотетички изборни дуели во овој момент.

69 спрема 31 во дуелот со Меланшон

Најголемиот јаз се отвора токму во можната пресметка со Меланшон. Истражувањето е спроведено онлајн од 22 до 24 септември на репрезентативен примерок од 1.974 полнолетни испитаници.

Според резултатите, Едуар Филип во моментов стои подобро од поранешниот премиер Габриел Атал како можен противкандидат од центарот.

Претседателските избори се планирани за средината на април, а евентуалниот втор круг треба да се одржи во мај. Вториот мандат на актуелниот претседател Емануел Макрон истекува на 13 мај.

Ле Пен предупредува на војна со нуклеарна сила

Додека анкетата ја става високо во претседателската трка, од Париз одекнуваат пораките на десничарката за една од најчувствителните европски теми – односите со Русија.

– Би ве потсетила дека Русија е нуклеарна сила. Не сакам Франција да влезе во војна со која било нуклеарна сила – порача Ле Пен.

Нејзината изјава следува по наводите дека ЦИА предупредила неколку европски сојузници за можни руски напади со дронови од трговски бродови. Францускиот претседател Емануел Макрон изјави дека француските служби не добиле такво предупредување, а сличен демант стигна и од Италија.

Ле Пен, пак, инсистира дека не сака Франција да биде вовлечена во директна војна.

– Русија не води војна против нас. Војната е војна. Кога луѓето велат дека сме веќе во војна, понекогаш имам чувство дека тие луѓе сакаат навистина да бидеме во воена состојба. Јас тоа не го сакам – рече таа.

The post МАКРОН СИ ОДИ ВО МАЈ, ЛЕ ПЕН ВЕЌЕ ИМА ГОЛЕМА ПРЕДНОСТ Нејзините зборови одекнуваат во Париз appeared first on plusinfo.mk.