📽️ Ѝ БУТАА СЕНДВИЧ ВО УСТА НА НОВИНАРКА ВО БЕЛГРАД Казна затвор за двајца насилни демонстранти

Тројца еколошки активисти беа уапсени по саботните протести против ископувањето на литиумот во Србија. Судот во Белград ги осуди на казна затвор поради вознемирувањето на јавниот ред и мир. Иван Бијелиќ доби 40 дена казна затвор, а Никола Ристиќ и Јевѓеније Димитријевиќ по 30 дена затвор.

Претседателот на Србија Александар Вучиќ ги обвини споменатите активисти дека се однесувале безобразно спрема Бранка Лазиќ, новинарката на српскиот таблоид „Информер“.

– Мене ми е жал за новинарката Бранка Лазиќ, тоа што таа го преживеаа поради овие марксисти, анархисти, така имбецилно однесување, полевање со вода, буткање на сендвич в уста и сето останато зборува околу тоа за какви луѓе станува збор. Такво непочитување на жените, ни малку да не бидеш џентлмен, глумиш „мангуп“, вие 50 мажи спрема една жена, којашто стои, којашто нема да се помрдне, а чијашто вина е само тоа што работите ги гледа на поинаков начин од вас – порача Вучиќ.

Новинарката испраќала бакнеж и мавтала

Во меѓувреме се појавија и снимките од овој инцидент. На едната снимка се гледа како новинарката разговара со протестант којшто бутка сендвич кон нејзината уста. Во заднина се слуша скандирање „Децата ги труете“. Протестантите потоа ги поставуваат своите транспаренти пред новинарката, а таа одговори така што ги зема нивните транспаренти и ги оттргнува од себе, а протестантите со свирежи реагираа на нејзиното однесување.

Šta Vučić/Informer kažu o tretmanu novinarke Informera, i snimak šta je bilo (snimak je sa naloga Ofanzivan na Instagramu) pic.twitter.com/3AE9vOFFAN

— Kristian (@KristiansCorner) August 11, 2024

На втората снимка новинарката испраќа бакнеж и мавта кон собраната маса луѓе. Во тој момент еден од протестантите повторно бутка сендвич спрема нејзиното лице, а во тој момент таа го зема сендвичот и со бесен поглед се внесува во лицето на протестантот којшто го буткаше сендвичот кон нејзиното лице. „Рио Тинто, излегувајте од Србија“, во меѓувреме скандираа протестантите.

Imamo na @mars_sa_drine instagram nalogu koji sam ja lično snimila. Evo ih dve verzije – prva u real time i druga usporena – gde se jasno vidi da je “novinarka” napala Ivana dva puta, prvi put mu je gurnula ruku, drugi put ga je gurnula u facu. pic.twitter.com/4pNvQqEGla

— Bojana Novakovic (@bojnovak) August 11, 2024

Сообраќајот на патиштата беше блокиран

Причина за протестите во Србија беше најавата за отворање на рудник за литиум на рударската компанија Рио Тинто во долината на реката Јадар. Протестантите го организираа протестот на денот на истекот на рокот од 40 дена којшто го поставија на владата на Србија за усвојување на законот за трајна забрана на геолошки истражувања и експлоатација на литиум и бор во Србија.

По завршувањето на протестниот собир на белградските „Теразии“ на којшто имаше повеќе од 10.000 луѓе, дел од протестантите го блокираа и сообраќајот на автопатот.