📽 БУРАТА „АНАНАС ЕКСПРЕС“ КОСИ ВО КАЛИФОРНИЈА 900.000 луѓе останаа без струја

Бурата Ананас Експрес коси во Калифорнија, а се очекува да продолжи во наредните 48 часа, пишува Скај Њуз. Американските метеоролози ја именуваа така затоа што доаѓа од Хаваи. Според веб-страницата poweroutage.us речиси 900.000 луѓе останале без струја во вчерашното невреме, а издадено е предупредување за можно откорнување дрвја и далноводи.

– Ова може да биде историска бура. Очекуваме немилосрдни ветрови, грмотевици, дури и торнада – рече градоначалничката на Лос Анџелес, Карен Бас.

West Covina: Multiple locations throughout the city are flooded.

Video footage shows the shopping center on Francisquito and Hacienda submerged. Please stay safe and refrain from traveling unless absolutely necessary.

@westcovina626sgv #Californiastorm #LARain #LosAngeles pic.twitter.com/oKpzC5rFAF

— Censored American NO MORE (@NotADirtyDem) February 5, 2024

Надзорничката на округот Лос Анџелес, Линдзи Хорват ги повика луѓето веднаш да заминат.

Иста таква бура веќе ја погоди Калифорнија минатата недела. Бурите се случуваат токму на време за Греми наградите, на кои многу познати личности се собраа во Лос Анџелес, пишува Скај Њуз.

Гувернерот Гевин Њусом прогласи вонредна состојба во градовите Лос Анџелес, Оринџ, Риверсајд, Сан Бернардино, Сан Диего, Сан Луис Обиспо, Санта Барбара и Вентура.

– Ова е сериозна бура што може да има опасен и потенцијално смртоносен ефект. Ве молиме внимавајте на предупредувањата на локалните власти. Тој додаде дека Калифорнија е подготвена за невремето. Подготвија рекорден број интервентни тимови – рече тој.

#Landslide Alert: Severe #storm impact in #FrymanCounty, #LosAngeles. #Mudslide may have displaced two homes, leading to mandatory #evacuation for neighbors in #HollywoodHills. Stay safe!#CAwx #Flooding #SantaBarbara #California #USWeather #Evacuation #CaliforniaStorm pic.twitter.com/hw4i7GCCzx

— know the Unknown (@imurpartha) February 5, 2024