Бугарско МНР: Подготвени сме да ја слушнеме загриженоста што доведе до ветото на заклучоците на Советот на ЕУ

Бугарија жали што заклучоците на Советот на ЕУ беа неочекувано блокирани од две земји-членки (Чешка и Словачка) без образложение за време на денешниот Совет на ЕУ. Подготвени сме да ја слушнеме загриженоста што доведе до оваа одлука и да ги продолжиме нашите напори за постигнување консензус за проширувањето “, се вели во соопштението на бугарското Министерство за надворешни работи, објавено од БГНЕС.

„Бугарија ги одобри заклучоците на Советот за време на состанокот на КОРЕПЕР II на 16 декември, при што германското претседателство постигна консензус.  На инсистирање на Бугарија, на заклучоците беше додадена реченица за важноста на договорите на Република Северна Македонија со Бугарија и Грција и дека нивното спроведување ќе доведе до крај на сите тврдења засновани на погрешно толкување на историјата. За време на состанокот, заклучоците беа одобрени од сите“ се вели во соопштението.

Според бугарското МНР, ветото на заклучоците на Советот ризикува да ја поткопа довербата на ЕУ и да ја спречи ЕУ да испраќа сигнали до Западен Балкан за стимулирање на неопходните реформи што земјите кои сакаат да се приклучат мора да ги преземат.

„Како една од земјите-членки што го поддржуваат проширувањето, Бугарија би сакала да го охрабри Советот да преземе конструктивен пристап во сегашната ситуација со цел да се овозможи донесување заклучоци за време на сегашното претседателство со Советот на ЕУ“, се додава во соопштението.

Бугарското Министерството за надворешни работи појаснува дека заклучоците на Советот на ЕУ за проширување немаат никаква врска со процесот на одобрување на рамките за преговори со Република Албанија и Република Северна Македонија.

„Бугарија ја поздравува рамката за преговори за Албанија и го поздравува дополнителното време предвидено за подобрување на рамката за Република Северна Македонија’ дтои во соопштението на бугарското МНР кое го пренесе БГНЕС.