БУГАРСКИТЕ ПРАТЕНИЦИ ИЗГЛАСАА ЗАМРЗНУВАЊЕ НА ЦЕНАТА НА СТРУЈАТА Незавизниот регулатор најави поскапување од 11,5 отсто
Според резолуцијата, замрзнувањето на цените на струјата и на парното во Бугарија треба да трае до 31 март.
Бугарските пратеници вчера изгласаа да се замрзнат цените на струјата и на парното за да ги заштитат домаќинствата од зголемените трошоци. Спротивно на тоа, бугарскиот независен енергетски регулатор најави зголемување на цените на електричната енергија во просек за 11,5 отсто и цените на парното до 30 отсто за домаќинствата од 1 јануари, со што ќе се усогласат со цените на пазарот каде компаниите ја купуваат својата енергија.
Парламентот, во кој доминираа пратениците од владејачката коалиција која вети дека ќе ги одржува стабилни цените на електричната енергија во домаќинствата, гласаше за замрзнување на цената на енергенсите.
Според резолуцијата, мораториумот треба да трае до 31 март.
Бугарските компании ја повикаа новата влада да изнајде начини да им помогне да се справат со порастот на цените што загрози низа бизниси низ ЕУ. Просечната цена на платформата на бугарската енергетска берза во средата беше 563 лева или 324,22 долари по MWh, во споредба со цената на електричната енергија за домаќинствата од околу 115 лева за MWh.