БУГАРИЈА НЕ СЕ СПРЕМА ДА ГО КРЕНЕ ВЕТОТО Немаме реална причина да отстапиме од националниот интерес
Реална причина да се тврди дека ние ќе отстапиме од националниот интерес на Бугарија, нема, рече претседателот на бугарското Собрание, Никола Минчев, велејќи дека темата за кревање на ветото се експлоатира за политички цели.
Претседателот на Народното собрание на Бугарија Никола Минчев во интервју за БНР изјави дека Владата не се подготвува да го крене ветото за членството на Северна Македонија во ЕУ, јави дописникот на МИА од Софија.
Според Минчев, категорично немало да има едногласно кревање на ветото кон Северна Македонија, но, како што рече, таа тема многу се експлоатира за политички цели.
Можеби ќе ве интересира
– Реална причина да се тврди дека ние ќе отстапиме од националниот интерес на Бугарија, нема – рече тој.
Бугарската позиција за темата според него е јасна и се очекува исполнување на Договорот за добрососедство и на другите договори.