БУЈАР ОСМАНИ ЖИВЕЕ ВО ДИВОГРАДБА ВО ЧАИР И ЗАТОА ДУИ МОЛЧИ Интегративците се кријат зад Арсовска и ја користат за изборите, вели Меџити

Жално е што ДУИ дојде до вакво дереџе што кога се работи за Чаир се крие зад Данела Арсовска и таа е искористена и злоупотребена од Блерим Реџепи и другите, наместо да се занимава со градот, јавните претпријатија, чистотата, со водата, градоначалничката се занимава само со Чаир, вели министерот за животна средина и просторно планирање Изет Меџити.

Тој во интервју за Канал 5 истакна дека градоначалничката на Скопје Данела Арсовска не понудила никакво решение за проблемот со дивоградбите.

– По тоа што го кажува Данела, треба таму да се рушат згради и да се остават стотици луѓе без домови, да се влечат по судови. Не дава никакво решение, таа нема морално право да зборува затоа што четири години нема направено ништо за Чаир. Ние ѝ обезбедивме средства како Влада, само требаше да го тераат проектот Цветан Димов, но немаше волја од неа. Еве во моментов таа покажува дека е антиалбански и анти-Чаир насторена, зошто не се занимава со градбите во другите населби, зошто не се занимаваат со нејзиниот партнер во власта во Скопје? И посочениот кандидат Бујар Османи живее во дивоградба и затоа тој не може да зборува за дивоградбите, туку се скриени зад Данела, за да ја искористат во текот на кампањата. На сите веќе им е јасно зошто ДУИ не зборува за бесправната градба во Чаир – рече Меџити.

Тој додаде дека истрагата ќе покаже кој е виновен во врска со физичкиот напад врз градоначалничката, но рече и дека на снимката се гледало кој кого удира.

– Не е точно дека е командантот, туку е неговиот брат, кој не е командант, работел во Паркови и зеленило и од политички побуди му поништила решение и после три четири дена му оди пред домот. Но, ова само покажува до кое дереџе е дојдена Демократската унија за интеграција – рече Меџити.