БРИТАНСКАТА ВОЈСКА СЕ ПОДГОТВУВА ЗА ВОЈНА СО РУСИЈА? Нова база ќе се отвара во Германија
Посебно внимание ѝ даваме на Германија, каде ќе префрлиме значително количество на оклопни возила, истакна Вудис.
Велика Британија ќе префрли стотици орудија и голем број на воена техника во базите во Германија, како подготовка за евентуалната војна со Русија, објави „Тајмс“.
Во весникот се наведува дека оваа информација се темели на изјавата дадена од генералот Ралф Вудис, кој посочи дека во британската војска во тек е сеопфатна трансформација, која подразбира создавање на нови три воени бази на почвите на Германија, Кенија и Оман.
– Посебно внимание ѝ даваме на Германија, каде ќе префрлиме значително количество на оклопни возила – истакна Вудис.
Се претпоставува дека само во оклопната единица ќе бидат распоредени 250 војници.
Оваа изјава е дадена во моментите кога бројни зпадни медиуми на големо пишуваат за наводните разузнувачки податоци на американските служби, дека уште во јануари Русија ќе изврши голема инвазија на Украина, што би можело да значи и судир со членките на НАТО.