Борисов смени четири клучни министри за да ги спречи протестите
Бугарската влада пред два дена го преживеа гласањето за недоверба кое го бараше опозициската социјалистичка партија, а која ја обвинува дека не успеала да ја искорени ендемската корупција.
Премиерот на Бугарија, Бојко Борисов денеска смени четири министри во рамките на реконструкцијата на владата чија цел е да ги спречи протестите против корупцијата на кои демонстрантите веќе со денови бараат негова оставка, пренесуваат бугарските медиуми.
Борисов ги промени министрите на неколку клучни министерства, како финансии, економија, туризам и надворешни работи.
Наследникот на министерот за економија, Емил Караниколов ќе биде неговиот заменик Лачезар Борисов.
Mинистерството за финансии ќе го превземе актуелниот министер за здравство Кирил Ананијев, додека на чело на здравство ќе биде поставен директорот на Александриската болница во Софија, Костадин Ангелов.
Директорот на полицијата, Христо Терзиски седнува на министерското столче во надворешни работи.
Бугарската влада пред два дена го преживеа гласањето за недоверба кое го бараше опозициската социјалистичка партија, а која ја обвинува дека не успеала да ја искорени ендемската корупција.