„БОМБА“ ВО МИЛАНО Ибрахимовиќ влече неочекуван потег среде сезона
Алегри го водеше Милан во периодот од 2010 до 2014 година и ја освои титулата во Серија А, која беше прва за клубот по седум години. Сепак, по заминувањето во Јувентус, навивачите на Милан не му го простија тој потег.
Пауло Фонсека наскоро би можел да ја напушти тренерската позиција на Милан, а Златан Ибрахимовиќ, според информациите, наводно решил да му врачи отказ на Португалецот и на негово место да го именува Масимилијано Алегри.
57-годишниот Алегри е без ангажман од мај оваа година, кога беше отпуштен од Јувентус. И покрај обидите, не успеа да ја врати „Старата дама“ на победничкиот пат во тригодишниот мандат.
Сега би можел да се врати како спасител на „росонерите“ и тоа би било негово второ пристигнување на „Сан Сиро“ по повеќе од 10 години.
Алегри го водеше Милан во периодот од 2010 до 2014 година и ја освои титулата во Серија А, која беше прва за клубот по седум години. Сепак, по заминувањето во Јувентус, навивачите на Милан не му го простија тој потег.
Во Торино, Алегри доминираше 5 години со „Бјанконерите“, освојувајќи сè на домашната сцена, но не успеа да стигне до посакуваниот успех во Европа.
Првото разделување со Јувентус се случи во 2019 година, но по две години повторно се врати на кормилото на клубот. Сепак, во вториот мандат не успеа да го извлече италијанскиот гигант од кризата.