Богдановиќ ова лето ќе реконструира вкупно 37 улици во Центар

Општина Центар летово ќе реконструира седум улици, тендерот за реализација на активноста веќе е подготвен.

Станува збор за реконструкција на коловозот и тротораите на  улиците:  Петар Поп Арсов, Рајко Жинзифов, Дебарца, булеварот Партизански одреди, потоа улиците Ристо Шишков, Црвена Вода и Јордан Хаџи Константинов – Џинот.

– Со реконструкциите на овие седум улици ќе се подобри одвивањето на сообраќајот во општината, ќе се намали сообраќајниот метеж и ќе се зголеми безбедноста на пешаците, велосипедистите, корисниците на алтернативни средства за транспорт и останатите учесници во сообраќајот – велат од Општина Центар.

Од општината информираат дека до крајот на летото вкупно ќе бидат реконструирани 37 улици, а согласно планот за работа, наредни за реконструкција се улицата Елисие Поповски – Марко и улицата Мирослав Крлежа.