Богатите земји трупаат вакцини, а тоа може да ја продолжи пандемијата за уште 7 години!

Вакцините против вирусот ковид-19 најчесто се даваат на луѓе од најбогатите земји во светот, а доколку продолжи овој тренд, пандемијата може да трае со години, предупредуваат здравствените експерти од американскиот Универзитет Дјук.

Според податоците на ООН, 191 милиони луѓе ја примиле вакцината до средината на февруари, но повеќе од три четвртини од нив се жители на само 10 земји.

Во истиот период, ниту една личност не е вакцинирана во 130 земји во светот, каде што живеат околу две и пол милијарди луѓе, според порталот „Science Alert“.

Гевин Јеми, експерт за јавно здравје и професор на американскиот универзитет „Дјук“, ги повикува богатите земји да престанат да акумулираат вакцини против ковид-19 само за своите граѓани.

Во коментар објавен во престижниот магазин „Naturе“, тој рече дека „национализмот против вакцините е себичен и самоубивачки“.

Научниците предупредуваат дека пандемијата, ако богатите земји продолжат да се однесуваат како сега, може да се „одолговлекува“ уште седум години.

Во глобалното здравје, постои верување дека пандемијата каде било во светот може да резултира со епидемија – насекаде.

– Затоа е во интерес на сите нас да започнеме со дистрибуција на дози на сите, бидејќи само така ќе гарантираме глобално снабдување со вакцини – наведува магазинот „Naturе“.

Постојат различни начини на кои може да се гарантира еднаков пристап до вакцините против ковид-19 за сите во светот, притоа инвестирајќи и остварувајќи профит, се наведува во статијата.

Склучувањето договори помеѓу производителите и богатите земји може да придонесе за проширување на глобалната понуда и да овозможи производство на вакцини на друго место во светот.

Научниците сметаат дека новиот глобален пристап кон ковид-19 наречен „Ковакс“ е добар пример што може да ги „одржи луѓето во живот“ во невидени времиња.

„Ковакс“ има за цел да вакцинира луѓе во сиромашните и земјите со среден приход ширум светот.

Целта на програмата е да испорача најмалку две милијарди дози до крајот на 2021 година со цел да се опфатат 20% од најзагрозените луѓе во 91 земја во светот, главно во Африка, Азија и Латинска Америка.