Богатите купуваат државјанства и бегаат во „covid-free“ земји

Кога коронавирусот започна да се шири на почетокот на март, еден од раководителите од Силиконската долина во Сан Франциско го повика производителот на засолништето за опстанок. Тој сакаше да знае како да ја отвори тајна врата на неговиот мултимилионски бункер, 11 метри под земја во Нов Зеланд.

Овој бизнисмен не е единствениот богат човек кој практично побегна во Нов Зеланд за време на пандемијата, пишува „Блумберг“. Со години, островската држава беше видно место во плановите за опстанок на богатите Американци кои се загрижени дека, да речеме, вирусот може да го парализира светот. Сега кога се покажа дека е една од земјите што најдобро се бори против пандемијата на корона, таа стана уште поактуелна.

Сепак, Нов Зеланд не е единственото место каде што одат богатите луѓе во вакви ситуации, но исто така и оние кои што нуди државјанство или престој во замена за инвестирање во таа земја. Најблиската земја која нуди практично исто е Црна Гора.

На пример, можете да стекнете право да живеете, работите и студирате во Нов Зеланд ако учествувате со, да речеме, два милиони долари. Во Црна Гора, купувањето стан се смета како инвестиција за која црногорскиот пасош може да се добие врз основа на проектот на Владата за економско државјанство. Според одлуката на Владата, црногорскиот пасош може да се добие преку инвестиции во туристички проекти, преработувачката индустрија и земјоделството.

Сето тоа зависи од видот на визата за престој потребна за земјата што ќе ја изберат. Околу 1,2 милиони евра, вклучително и купување на имот, трошоци, на пример, чини државјанство за брачна двојка во Малта.

Потенцијалните купувачи на овие планови за итни случаи не се повеќе лица, туку цели семејства. Во првите четири месеци од оваа година, побарувачката за овие услуги во специјализираната компанија за овие потреби скокна за 49 проценти, во однос на истиот период во 2019 година. Сега има 22 проценти повеќе од оние кои сакаат да аплицираат за ново државјанство или виза за престој.

Иако островите од Карибите се најпознати по ова, каде што можат да се изолираат на песочни плажи, она што е клучно за богатите сега и што бараат повеќе се држави кои импресионираа во борбата против ковид-19, како Австралија и Нов Зеланд.

Покрај тоа, луѓето го гледаат овој потег како средство за управување со богатството исто како и начин за патување без визи.

Интересот за португалската програма за престој по инвестицијата се зголеми во последните месеци. Оваа земја гледа шанса во тоа затоа што богатите би можеле да го вратат пазарот на недвижнини.

Тајландската влада, на пример, нуди „елитни“ визи за станбени живеалишта за богати странски државјани, дозволувајќи им да живеат во земјата за околу 3.000 долари годишно. Има седум различни пакувања, а најскапа е шемата „Elite Ultimate Privilege“ за 60.000 долари за 20-годишен престој, пишува „Бизнис инсајдер“.

За добивање други пасоши или дозволи за престој е потребно време – најмалку три месеци за програмите во Карибите, а многу подолго за оние во Европската унија.