Бесими: Не е потребен ребаланс на Буџетот за реализација на петтиот пакет мерки

Министерот за финансии Фатмир Бесими најави дека ребалансот на буџетот за годинава ќе се подготвува во средината на годинава и дека не е потребен ребаланс за да се реализираат мерките од петтиот пакет.

– Ребалансот како што неколку пати најавив, би требало да биде спремен кон средина на годината, со цел во Собранието да се разгледа и да се усвои. Со него ќе се согледа динамиката на реализација на буџетот досега. Веќе беше најавено дека првиот квартал имаше прилично добра реализација,  има одлична ефиаксност и во однос на приходите и во однос на импелментација на мерките. И кај расходната страна имаше подобра реализација на капиталните расходи. Следиме како се движи економијата и реагираме соодветно. Најголема интервенција треба да биде во додавање во делот на мерките за поддршка на економијата, како продолжение на имплактот на ковид 19 што го имаше во нашата економија. Уверувам дека тоа ќе биде на транспарентен начин и начин што ќе ја поддржи економијата најоптимално таргетирани. Така ќе биде нивната реализација како што беше и на претходните четири пакети – рече Бесими.

Во однос на даночната реформа минисерот наведе дека во инклузивен процес ќе се спроведе даночната рформа и дека во оваа фаза не се спомнуваат стапки на даноци, не се зобурва ниту за моделот на данокот на личен доход, туку се прават анализи и консултации со сите засегнати страни, за да имаме, како што рече, најдобар даночен модел.

На прашање за предлог за намалување на ДДВ кај електирчната енергија, рече дека такво предлог на  Владата нема во моментот.