БЕНЗИНИТЕ ПОЕВТИНУВААТ Дизелот останува со иста цена
Регулаторната комисија за енергетика ги намали цените на горивата во просек за 0,74%.
Бензините од ноќеска на полноќ поевтинуваат за половина денар по литар, а цената на дизелот останува иста, одлучи денеска Регулаторната комисија за енергетика (РКЕ).
Со одлуката се врши намалување на малопродажните цени на нафтените деривати во просек за 0,74%.
Можеби ќе ве интересира
Новата малопродажна цена на „еуросупер-95“ ќе изнесува 77 денари за литар, „еуросупер-98“ ќе се продава за 79, дизелот за 69,5, а маслото за горење за 69 денари за литар.
Со одлуката на РКЕ за 1,125 денари за килограм се намалува и малопродажната цена на Мазутот и ќе изнесува 45,170 денари.