Бектеши: Досега се поднесени 19.000 апликации за мерката 14.500 денари
Тој додаде дека аплицирањето за мерката започна на 1 мај и до крајот на рокот, кој е до утре (четврток) до 24 часот, и очекува дека ќе се зголеми бројот на оние компании кои ќе поднесат апликации.
На денешната прес-конференција, министерот за економија Крешник Бектеши информираше за последните мерки и програми во рамките на ресорното министерство, како и во рамките на Владата.
– Во последните два месеци како резултат на негативните последици врз економијата поврзани со пандемијата од ковид-19, Владата донесе низа мерки за поддршка на најпогодените компании и за најзагрозените граѓани. Тие се фокусирани за да ги дадат најдобрите резултати во економијата, а тоа го покажува големиот интерес од страна на компаниите и граѓаните за нивно користење – изјави Бектеши.
Министерот информираше дека заклучно со денеска вкупно на 19.000 барања се доставени до УЈП за користење на мерката за финансиска поддршка за исплата на платите за април и мај во висина од 14.500 денари. Тој додаде дека аплицирањето за мерката започна на 1 мај и до крајот на рокот, кој е до утре (четврток) до 24 часот, и очекува дека ќе се зголеми бројот на оние компании кои ќе поднесат апликации.
Според Бектеши со оваа мерка се обезбедува континуитет на работните процеси, се обезбедува основа за исплата на плати и придонеси, при што се создаваат сериозни услови за да се сочуваат работните места.