📷 БАСТИЈАН ШВАЈНШТАЈГЕР ФОТОГРАФИРАН СО РУСОКОСА НА ПЛАЖА Среде разводот со Ана Ивановиќ, фудбалерот ја покажа новата девојка

Германските медиуми со недели пишуваат за разводот на поранешната српска тенисерка Ана Ивановиќ и поранешниот германски фудбалер Бастијан Швајнштајгер, а сега германскиот весник „Билд“ објави фотографии на кои тврдат дека Бастијан се држи за раце со мистериозна русокоса.

Ана Ивановиќ не се огласуваше во врска со натписите на германските медиуми, а на социјалните мрежи редовно објавува фотографии на кои е насмеана.

Инаку, „Билд“ го објави текстот со коментар дека врската на Бастијан и Ана за жал е завршена, но дека има нова девојка со која е на Мајорка.

Бастијан беше фотографиран на плажа со својата нова девојка, како што тврди „Билд“, а на фотографиите што ги објавија, тие се држат за раце и уживаат на плажа, многу интимно.

Тенисерката и фудбалерот имаат три деца и со години беа познати како еден од најхармоничните познати парови кои го чуваат приватниот живот за себе и уживаат во мирна, семејна идила. Сепак, како што стојат работите сега – Ана и нејзините деца живеат во вила на Мајорка, каде што сите живееја заедно, додека Бастијан одамна се исели од нивниот заеднички дом.

Бракот на Бастијан и Ана отсекогаш изгледаше хармоничен, а во 2016 година двојката направи венчавка во Венеција. Потоа, според медиумите, потпишале предбрачен договор. Според информациите од тоа време, Ана и Бастијан потпишале документ пред бракот со кој секој од нив го задржува имотот стекнат пред да влезат во заедницата.