БАРОКНИОТ КИЧ РАМО ДО РАМО СО СЕНИШНИ УРНАТИНИ (Не)естетски крајности во строгиот центар на Скопје (ФОТО)
На едната страна од оваа некогаш убава, но сега сосем распадната градска куќа, може да се види нова барокна административна зграда на улицата Филип Втори Македонски, а на другата страна покрај неа се издигнува агресивна станбена зграда П+7, натискана меѓу ќумезите на познатата „Адвокатска улица“.
Не е реткост во најстрогиот центар на Скопје да се видат целосно распаднати стари куќи, кои од којзнае кои причини ниту некој ги урива ниту ги реновира. Глетката е особено грда кога тие ќе се најдат рамо до рамо со некоја од бројните барокни згради со накитени, блескави фасади (најчесто од стиропор) со кои исто така е натрупан центарот на градот, или нови модерни зданија.
Една таква сцена, која им се укажува и на бројните странски туристи, кои во овој период ги има многу, може да се види од дворот на црквата „Света Богородица“. На едната страна од оваа некогаш убава, но сега сосема распадната градска куќа, може да се види новата барокна административна зграда на улицата Филип Втори Македонски, а на другата страна покрај неа се издигнува агресивна станбена висококатница, натискана меѓу ќумезите на познатата „Адвокатска улица“.
Сликата многу говори за урбаниот хаос во кој се наоѓа македонската метропола, од кој, барем засега, не се гледа излезот.