Барние: Разговорите со Велика Британија се на клучната точка
ЕУ останува посветена на чесен, реципрочен и избалансиран договор, напиша Барние
Главниот преговарач на ЕУ за Брегзит, Мишел Барние, денеска изјави дека разговорите со Велика Британија за трговскиот договор по Брегзит денеска се наоѓаат на клучната точка и дека преговорите продолжуваат.
– Во овој клучен момент од преговорите, продолжуваме напорно да работиме со Дејвид Фрост (преговарачот од Велика Британија) и неговиот тим – напиша Барние на Твитер, јавија британските медиуми.
– ЕУ останува посветена на чесен, реципрочен и избалансиран договор, напиша Барние, истакнувајќи дека ЕУ го почитува суверенитетот на Велика Британија и истото го очекува од другата страна.
– И ЕУ и Велика Британија мора да имаат право да воспостават свои закони и да ги контролираат своите води. И едните и другите треба да бидеме во можност да дејствуваме кога станува збор за нашите интереси – додаде тој.