Балканот е во шок! Медиумите од регионот ја пренесоа веста за смртта на Балашевиќ

Познатиот кантавтор Ѓорѓе Балашевиќ почина денес на 67-годишна возраст од последиците од вирусот ковид-19.

Веста дека почина музичарот чии балади ги сакаат и млади и стари, го потресе целиот регион. Медиумите од земјите од поранешна Југославија ја пренесоа веста за смртта на познатиот кантавтор од веб-страницата „Блиц“, како и детали за неговата смрт на Клиниката за инфективни болести во Нови Сад, каде што беше примен три дена поради пневмонија.

Хрватски „Вечерњи лист“ во текстот под наслов „Заминувањето легендарниот музичар“ потсетува дека Балашевиќ не само што бил пејач, туку ја толкувал и главната улога во телевизиската серија „Специјална редакција“, но и дека глумел во серијата „Војници“ , „Поп Чира и поп Спира“, како и во реализацијата на „Паноски морнар“. Тие исто така потсетуваат дека Балашевиќ напишал неколку книги, и дека бил колумнист и за „Вечерњи лист“.

За својата работа има добиено бројни награди, а УНЕСКО го прогласи за амбасадор на добра волја. Кон крајот на својот живот, тој стана колумнист и за „Вечерњи лист“, каде објавуваше статии во сабота – пишува „Вечерњи лист“.

– Има многу луѓе кои ги сакаат моите песни и тие не се само публика за мене. Ми овозможија да живеам од својот талент, да го работам она што го сакам, она во што уживам и, на крајот, да живеам од тоа – рече Балашевиќ, кој секогаш ја ценеше својата публика, пишува „Вечерњи лист“.

„Јутарњи лист“ пишува дека Балашевиќ издал 12 соло студиски албуми и уште седум компилации од неговите најголеми хитови и дека тој бил „обожаван од илјадници луѓе низ целата поранешна држава (Југославија)“. Тие се осврнаа и на однесувањето на текстописцот за време на војните во 90-тите години на минатиот век.

– Кога започнаа сите тие гужви, извици, барикади, се обидов да бидам смирен. Знаев дека барикадите се секогаш најбрзи, никогаш најмудри. Адреналинот во мојата крв ги водеше луѓето кон избрзани постапки. Сакав да ја направам вистинската работа, и не беше лесно. Одлучив да учествувам во сето ова сè додека – нема да учествувам. Мојата кариера е целосно прекината. Бидејќи зборував против некои српски политичари со име и презиме, следуваа ноќни повици, удирање на прозорецот, дупчење гуми на автомобили … Но, моето семејство одлучи дека ќе го издржиме сето ова заедно и ме поддржуваше во сите мои постапки – рече Балашевиќ за тој период од неговиот живот, пишува „Јутарњи лист“.

Хрватскиот портал „24 сата“ потсетува дека „панонскиот морнар“ доживеал срцев удар на крајот на 2019 година, по што биле поставени стентови.

– Имав малку неволја. Бев во болница четири дена. Ми рекоа дека ќе можам да трчам. Не верувам … Имам сто години! Но, се надевам дека ќе можам да продолжам таму каде што застанав – напиша тогаш Балашевиќ на социјалните мрежи.

Како што пишува „Аваз.ба“, Балашевиќ бил „голем пријател на Босна и Херцеговина, голем пријател на Сараево“. Последен пат настапи во сараевската Скендерија во февруари 2018 година, а концертот го нарече „20 години од ТИЕ концерти“.

– Балашевиќ е еден од оние уметници кои зборуваа јасно и гласно против лудилото на злото и војната во кобните 90-ти – пишува „Аваз“.

Црногорски „Вијести“ потсетува дека Балашевиќ и неговите пријатели од средно училиште во 1977 година ја основале групата „Четва“ со која го снимил синглот „У раздељак те љубим“ кој се продал во 180.000 примероци, што беше негов прв голем успех. Додаваат дека следната година заедно со Верица Тодоровиќ ја формираше групата „Рани мраз“ со која ја изведе песната „Рачунајте на нас“ на фестивалот во Суботица, која се сметаше за химна на генерацијата, но и дека Билја Крстиќ била во групата.

– На фестивалот во Сплит тие ја изведоа песната „Панонски морнар“ за која ја освоија првата награда – потсетува „Вијести“.

Медимите во Македонија исто така ја пренесоа со неверување веста за заминувањето на познатиот кантавтор. Публиката во Македонија од сите генерации ги знаат и пеат неговите познати хитови „Не ломите ми багреме“, „Знате причу од Васил Ладачком“ и многу други.