БАЈДЕН ПРИСТИГНА, ДУДА ПРИНУДНО СЛЕТА Полскиот претседател морал да се врати во Варшава (ВИДЕО)

Авионот на полскиот претседател Анджеј Дуда со кој требало да одлета кон гратчето Жешов од Варшава за да се сретне со американскиот колега Џо Бајден, морал принудно да слета и да се врати, соопштија од неговиот кабинет. За среќа, Дуда не бил во животна опасност. За разлика од него, Бајден успешно слетал во Жешов, а вечерва ќе отпатува за Варшава.

Air Force One landed at Rzeszow airport in Poland near Ukrainian border.
Joe Biden is expected to meet American soldiers here. pic.twitter.com/4HrRmQIZQP

— Parham Ghobadi (@BBCParham) March 25, 2022

Градот Жешов е на 70 километри од Варшава. Кога пристигна на аеродромот, Бајден веднаш беше брифиран за помошта која Полска ја пружа кон украинските бегалци. Американскиот претседател доаѓа во посета за од прва рака да ги види меѓународните напори за справување со хуманитарната криза, но и да ги посети американските трупи кои го зајакнуваат источното крило на НАТО.

Тој вчера во Брисел кажа дека неговата посета „уште еднаш ќе ја покаже подготвеноста на САД хуманитарно да им помогнат на луѓето во и надвор од Украина“.

Бајден во моментов е на средба со членовите на американската 82-та воздушна дивизија. Медиумите пренесоа снимка од тоа како тој јаде пица заедно со војниците.

President Biden sits down for a slice of pizza as he visits with members from the 82nd Airborne Division in Poland, stationed there as part of the effort to bolster NATO’s eastern flank. pic.twitter.com/DfhrxUUY0m

— Kaitlan Collins (@kaitlancollins) March 25, 2022

Полска се надева дека посетата на Бајден ќе го потврди американското ветување дека ќе го брани „секој сантиметар“ од територијата на НАТО. Варшава, исто така, сака повеќе американски војници на источните граници на Алијансата.