Австрискиот министер за здравство предупредува на опасност од „пандемија во пандемија“
Аншобер посочи дека сега е важно да се почитуваат мерките со цел, и покрај доминацијата на британскиот вид, да се помине добро низ кризата до Велигден.
Рудолф Аншобер, по повод зголемениот број на новоинфицирани и се повеќе нови мутации, предупреди за опасност од „пандемија во пандемија“.
За само неколку недели, британската мутација стана доминантна во Австрија, бидејќи го потисна претходниот вид, кој во петтата недела од оваа година „држеше“ удел од 61,5 проценти, а во осмата недела „само“ 36,3 проценти, рече денеска тој.
Во меѓувреме, британскиот вид е причина за заболување со коронавирусот кај 58,4 проценти од случаите во Австрија.
– За Австрија, доминацијата на британскиот вид не е добра вест. Тој е позаразен од основниот вирус, и тоа, во Австрија, за 23 проценти – нагласи тој.
Аншобер посочи дека сега е важно да се почитуваат мерките со цел, и покрај доминацијата на британскиот вид, да се помине добро низ кризата до Велигден.
– По Велигден ќе биде полесно, бидејќи поради повисоките температури, граѓаните ќе поминуваат помалку време во затворени простории, а ќе се постигне и поголема стапка на вакцинација на населението – објасни тој.