Жена од Охрид се обидела со остар предмет да нападне 39-годишна сограѓанка и нејзините три ќерки, по претходна расправија и нарушување на јавниот ред и мир.

Инцидентот се случил вчера попладне на улицата 7 Ноември во Охрид, а случајот бил пријавен во полицијата околу 17:30 часот.

Според пријавеното, М.И. од Охрид, по претходно нарушување на јавниот ред и мир, се обидела со остар предмет да ги нападне М.Р.(39) и нејзините три ќерки.

Засега нема информации дали некоја од жените е повредена во инцидентот.

Полицијата работи на целосно расчистување и документирање на случајот, по што ќе следува соодветен поднесок.

The post МАЈКА И ТРИ ЌЕРКИ НАПАДНАТИ СО ОСТАР ПРЕДМЕТ Охриѓанка тргнала кон 39-годишна сограѓанка и нејзините деца appeared first on plusinfo.mk.

Во изминатото деноноќие во земјава се регистрирани вкупно 25 пожари на отворен простор, од кои 4 се активни, 3 се под контрола, а 18 се изгаснати, соопшти Центарот за управување со кризи.

Активни пожари има кај с. Моране – с. Вртекица – с. Рамни Габер во општина Студеничани каде што гори мешана шума и кај Видуш, Драгов Дол и Локвица во општина Македонски Брод каде што е запалена ниска вегетација, нискостеблеста шума и грмушки.

Активен пожар има и во општините Велес и Зелениково, во атарот на селото  С’лп, кој се шири кон селата Карабуњиште Добрино и Тисовица, како и во општините Јегуновце и Сарај, кај селата Копанце и Туденце, кој со шири кон Бојане.

Под контрола се пожарите кај селата Алданци и Норово и кај Борино и Житоше во општина Крушево и на депонијата во Кратово.

The post 25 ПОЖАРИ ЗА 24 ЧАСА Огнот гори кај Студеничани, Македонски Брод, Велес и кај Јегуновце appeared first on plusinfo.mk.

По повеќедецениско чекање, почна асфалтирањето на булеварот Борис Трајковски во Скопје, соопшти градоначалникот Орце Ѓорѓиевски.

На трасата се поставува првиот слој асфалт, а според најавата на Ѓорѓиевски, по завршувањето на едната страна сообраќајот ќе биде пренасочен, по што ќе започне реконструкцијата и на другата страна.

Градоначалникот вели дека довршувањето на булеварот со години било само ветување, додека повеќе од 100.000 граѓани кои гравитираат кон овој дел од градот секојдневно се соочувале со сообраќаен метеж и гужви.

– Се сеќавам уште како дете, довршувањето на овој булевар беше ветување кое се повторуваше со години. Генерации граѓани слушаа ветувања, а повеќе од 100.000 луѓе кои секојдневно гравитираат во овој дел од Скопје живееја со гужви, нервози и сообраќајна голгота. Тоа време завршува – напиша Ѓорѓиевски.

Тој посочува дека пред почетокот на градежните работи бил решен и долгогодишниот проблем со експропријацијата.

– Ја ослободивме трасата и започнавме со изградба со силно темпо. И денес, нешто повеќе од три месеци подоцна, го поставуваме првиот слој асфалт – наведува градоначалникот.

Според Ѓорѓиевски, откако ќе заврши асфалтирањето на едната страна, сообраќајот ќе се пренасочи и ќе започне реконструкцијата на другиот дел од трасата.

Паралелно со изградбата на булеварот е поставена и нова атмосферска канализација.

– Нов булевар значи и трајно решение, правилно одведување на атмосферските води, поголема безбедност и инфраструктура која треба да служи со децении. Ова е крај на едно триесетгодишно чекање – порача Ѓорѓиевски.

Тој додава дека проектот, според него, е пример дека со работа и одговорност може да се реализираат и инфраструктурни проекти кои со години биле одложувани.

– Ветивме и остваривме. Мојот народ заслужува модерна и безбедна патна инфраструктура. Заслужува нормални услови за живот. Заслужува град кој се движи напред – вели скопскиот градоначалник.

The post ПОЧНА АСФАЛТИРАЊЕТО НА БУЛЕВАРОТ БОРИС ТРАЈКОВСКИ По 30 години чекање, се довршува една од најфреквентните сообраќајници appeared first on plusinfo.mk.

Дваесет и седумгодишен жител на Тетово се здобил со тешки телесни повреди откако, според неговата изјава, бил ненамерно прегазен на ногата од неговиот чичко, кој управувал патничко возило наназад во семејниот двор.

Од СВР Тетово информираат дека на 26 јули 2026 година во 20:30 часот, од Клиничкиот центар во Тетово било пријавено дека кај нив со тешки телесни повреди бил донесен М.З. (27) од Тетово.

Во разговор со полициски службеници, повредениот изјавил дека околу 19:00 часот, во дворот на семејната куќа, неговиот чичко С.З. (61) од Тетово, управувајќи патничко возило наназад, ненамерно го прегазил на ногата, при што се здобил со тешките повреди.

Повредениот побарал против неговиот чичко да не биде поднесена пријава, бидејќи, како што навел, станува збор за несреќен случај.

Полициски службеници извршиле увид на местото на настанот и работат на целосно расчистување на случајот.

The post ЧИЧКО ГО ПРЕГАЗИЛ ВНУКОТ ДОДЕКА ВОЗЕЛ НАНАЗАД Млад тетовец заврши во болница по несреќен случај appeared first on plusinfo.mk.

Само десетина минути беа доволни силниот ветер и поројниот дожд да предизвикаат хаос низ Скопје. Невремето донесе паднати дрвја, оштетени објекти, прекини на струја и блокирани улици во повеќе населби.

Граѓаните на социјалните мрежи споделуваа фотографии и видеа од последиците, а екипите на надлежните служби веднаш излегоа на терен за расчистување и интервенции.

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

The post 📽️ 📷 15 МИНУТИ БУРА, ГОЛЕМИ ПОСЛЕДИЦИ Скопје осамна со паднати дрвја, штети и хаос по улиците appeared first on plusinfo.mk.

Силниот ветер кој попладнево го зафати Скопје продолжува да предизвикува проблеми низ повеќе делови од градот. Граѓани пријавуваат паднати дрвја, блокирани улици, оштетувања и прекини во снабдувањето со електрична енергија.

Според пријавите од жители, без струја останале делови од Волково, Матка, Сарај и Геге, а екипите се очекува да излезат на терен за отстранување на дефектите.

Низ улиците на Скопје се слушаат сирени на пожарникарни возила, додека службите интервенираат на повеќе локации каде има паднати дрвја и други опасности предизвикани од силниот ветер.

 

View this post on Instagram

 

A post shared by Plusinfo.mk (@plusinfo.mk)

Граѓани пријавуваат паднати дрвја кај Зоолошката градина, пред Капитол, кај Соборниот храм, на улицата Димитар Благоев во Лисиче, како и на повеќе други сообраќајници.

Проблеми има и на Рузвелтова улица, каде според пријавите паднато дрво блокирало дел од коловозните ленти, како и кај Министерството за земјоделство, каде дел од улицата Ленинова била отежнато проодна поради паднато дрво.

 

View this post on Instagram

 

A post shared by Plusinfo.mk (@plusinfo.mk)

Во населбите Аеродром и Ченто граѓани известуваат за превртени и оштетени мотори поради силните налети на ветерот, а паднати дрвја се пријавени и на улиците Гологанов и Илинденска.

На патниот правец кај Белви – Макпетрол, според сведоштва на граѓани, има паднато дрво на автопатот, што претставува опасност за возачите.

 

View this post on Instagram

 

A post shared by Plusinfo.mk (@plusinfo.mk)

На социјалните мрежи се појави и видео на кое се гледа како силниот ветер откорнува дел од покрив на зграда на булеварот Партизански одреди. Засега нема официјални информации дали има повредени лица.

 

View this post on Instagram

 

A post shared by Plusinfo.mk (@plusinfo.mk)

И покрај невремето, во делови од Скопје во моментов истовремено има и дожд и сончеви периоди, но ветерот останува силен и се препорачува внимателност.

Надлежните служби апелираат граѓаните да избегнуваат движење во близина на оштетени дрвја, електрични кабли и други потенцијално опасни места, а сите проблеми да ги пријавуваат на надлежните институции.

Костовски: Кризниот штаб на Бутел е подготвен, екипите се на терен

Општинскиот кризен штаб на Бутел е во постојана координација со надлежните институции и подготвен за реакција доколку невремето предизвика проблеми во општината, информира градоначалникот Дарко Костовски.

– Општинскиот кризен штаб е во постојана комуникација со Министерството за внатрешни работи, Град Скопје, јавните претпријатија, ЕВН и Центарот за управување со кризи. Екипите на Општина Бутел се целосно подготвени да се справат со евентуалните последици од невремето – соопшти Костовски.

Тој информира дека дежурни општински екипи се на терен и се достапни за граѓаните кои имаат потреба од интервенција или сакаат да пријават последици од невремето.

Граѓаните на Општина Бутел можат да пријават проблеми на телефонскиот број 078 517 344.

Костовски апелираше до жителите да останат смирени и внимателни додека траат неповолните временски услови.

The post 📽️ БЛОКИРАНИ УЛИЦИ, ОТКОРНАТИ ПОКРИВИ, ПАДНАТИ ДРВЈА… Силната бура направи хаос во Скопје appeared first on plusinfo.mk.

Четири лица се повредени во тешка сообраќајна несреќа што се случила ноќеска по полноќ на крстосницата меѓу булеварот Киро Глигоров и улицата Индустриска во Скопје, кај салонот на Мерцедес, а едно од возилата по силниот удар завршило превртено на покрив.

Според информациите што Плусинфо ги доби од полицијата, несреќата се случила денеска во 00:45 часот и во неа учествувале три патнички возила со скопски регистарски таблички.

Во судирот учествувале „ауди“ управувано од В.Ј. (21) од Скопје, „бмв“ управувано од Д.Ч. (21) од Скопје и „мерцедес“ управуван од Д.М. (45) од Скопје.

Од силината на ударот, „аудито“ управувано од 21-годишниот скопјанец се превртело на покрив, а на местото на несреќата интервенирале полициски и медицински екипи.

Во незгодата со телесни повреди се здобиле двајца од возачите и двајца сопатници. Повредените биле пренесени во Градската општа болница „8 Септември“ и во Ургентниот центар, каде што им била укажана лекарска помош.

Од СВР Скопје информираат дека увид на местото извршила полициска екипа, а причините за несреќата се утврдуваат.

Додека траел увидот, едната коловозна лента била затворена за сообраќај, па возилата се пренасочувале преку спротивната лента кон мостот Близнак.

The post 📷 „АУДИ“ ЗАВРШИ НА ПОКРИВ КАЈ МОСТОТ „БЛИЗНАК“ Три искршени возила и четворица повредени appeared first on plusinfo.mk.

Дваесет и едногодишен жител на Куманово е приведен откако не застанал на полициски знак за запирање додека управувал мотоцикл, информираше Министерството за внатрешни работи.

Според информациите, настанот се случил на 4 јуни околу 23:50 часот, кога полициски службеници од СВР Куманово го привеле Ј.С. (21) од Куманово.

Претходно, тој управувал мотоцикл и не постапил по наредбата за запирање дадена од полицијата, по што продолжил да се движи.

По преземените мерки, полицајците го пронашле младиот возач заедно со мотоциклот на бензинска пумпа во Куманово. Според МВР, при интервенцијата тој агресивно се однесувал и ги попречувал полициските службеници во извршувањето на нивните службени задачи.

По приведувањето бил однесен во полициска станица, а мотоциклот му бил одземен.

Од Министерството за внатрешни работи најавуваат дека по целосното расчистување и документирање на случајот против него ќе биде поднесена соодветна пријава.

The post МОТОРЏИЈА НЕ ЗАСТАНАЛ НА ПОЛИЦИСКИ ЗНАК И ПОБЕГНАЛ Kумановец заврши во станица, моторот му е одземен appeared first on plusinfo.mk.

Во луксузните ресорти во Белек, Кемер, Лара и Сиде атмосферата е мирна, хотелите се речиси полни, а гостите уживаат во „all inclusive“ одморот, и покрај тензиите на Блискиот Исток.

Додека светските медиуми секојдневно известуваат за тензиите на Блискиот Исток по конфликтот меѓу САД, Израел и Иран, во туристичките центри на турската ривиера животот тече сосема нормално. Во луксузните хотели во Белек, Кемер и Сиде туристите безгрижно уживаат на плажите, покрај базените, на голф терените и во богатите „all inclusive“ содржини.

Во рамки на инфо-турата организирана од туристичката агенција Фибула, група составена од новинари, инфлуенсери, ТВ-лица, пејачи и креатори на содржини од Македонија посети некои од најлуксузните ресорти во регионот на Анталија, меѓу кои „Cornelia Diamond Golf Resort & Spa“, „Papillon Zeugma Relaxury“ и „Siam Elegance Hotels & Spa“.

Голф терени, плажа и забавни содржини

Иако темата за безбедноста неизбежно се отвора меѓу туристите, впечатокот на повеќето гости е дека Анталија и понатаму останува мирна и сигурна дестинација.

– Искрено, пред патувањето разговаравме за ситуацијата во регионот, но кога пристигнавме овде сфативме дека атмосферата е сосема нормална. Хотелите се полни, луѓето се релаксирани, а услугата е на врвно ниво – вели Џорџ Еванс од Манчестер, кој престојува во „Cornelia Diamond“ поради меѓународен голф турнир.

Во истиот хотел можеа да се забележат гости од Англија, Холандија, Германија, САД и скандинавските земји, кои најголем дел од денот го минуваат на голф терените или во спа-центрите.

– Во Европа понекогаш се создава поголема паника отколку што реално постои. Ние сме овде со пријатели, уживаме во одморот и не чувствуваме никаква несигурност – вели холандска туристка која престојува во Белек.

Американски турист, кој допатувал со група пријатели за спортски одмор, вели дека безбедноста не била причина да се откаже од патувањето.

– Да не се чувствувавме сигурно, немаше ни да дојдеме. Турција има силна туристичка организација, а овде буквално сè функционира беспрекорно – вели Ричард Џејмс.

Турските хотелиери уверуваат дека сезоната засега се одвива без проблеми и дека нема значителни откажувања на аранжманите. Во ресортите владее препознатливата турска гостопримливост – насмеан персонал, богати шведски маси, ориентални десерти, свежа медитеранска кујна, турско кафе и вечерни забавни програми.

Гости што се враќаат секоја година

Во „Papillon Zeugma“, покрај луксузниот амбиент, гостите уживаат во вечерни шоуа, тематски забави и активности за семејства, додека во „Siam Elegance“ акцентот е ставен на релаксиран одмор покрај море, „wellness“ третмани и дневни активности за посетителите.

Еден од менаџерите во хотелот „Siam Elegance Hotel“ во Белек, Ѓок Турк, вели дека на почетокот од годината очекувале пад на бројот на туристи поради воените конфликти во Газа и во Сирија, но реалноста била сосема поинаква.

Тој објаснува дека стравувањата не се оствариле, а хотелот оваа сезона бележи интерес и од нови пазари.

– Драго ми е што се излажавме. Освен нашите редовни гости кои секоја година се враќаат, годинава добивме нови посетители од Македонија, Босна и Херцеговина, Русија, Германија, Холандија, Србија и други земји. Местата каде што има конфликти се далеку од тука. Тука кај нас нема никаква опасност, а безбедноста е дополнително засилена – вели Турк.

Турк истакнува дека хотелот нуди стандардна ултра „all-inclusive“ услуга, но и посебна атмосфера што го издвојува од останатите објекти.

Дел од инфо-групата учествуваше и во низа необични активности – од работилници за суши и турско кафе, до „fly yoga“ часови и уметнички работилници. За многумина токму ваквите искуства се доказ дека модерната Анталија одамна не е само класична летна дестинација.

– Мислев дека ќе биде само хотелски одмор, но Анталија нуди многу повеќе, авантури, гастрономија, спорт, „wellness“ и забава. Буквално секој хотел има своја приказна – вели една македонска инфлуенсерка од групата.

Турција е безбедна дестинација и покрај регионалните тензии

Турските власти во последните недели порачуваат дека Турција останува безбедна и стабилна дестинација за туристите, и покрај влијанието на војната на Блискиот Исток врз глобалниот туризам.

Според официјалните изјави од Анкара, геополитичките случувања во регионот не ја загрозуваат безбедноста на туристичките центри како Анталија, Бодрум и Мармарис, кои и натаму функционираат нормално.

Министерот за култура и туризам Мехмет Нури Ерсој во април 2026 година призна дека конфликтите предизвикале откажувања на дел од резервациите, но нагласи дека станува збор за „психолошка несигурност“, а не реален безбедносен ризик.

– Турското крајбрежје е мирно и безбедно, а очекуваме стабилизација и раст на резервациите во наредниот период – порача Ерсој.

И претседателот Реџеп Таип Ердоган истакна дека Турција останува стабилен регионален центар и безбедна база за туризам, трговија и транспорт, далеку од конфликтните зони.

Од Министерството за надворешни работи, предводено од Хакан Фидан, велат дека безбедносните мерки се насочени кон заштита на границите, додека туристичките региони не се во ризична зона.

Властите додаваат дека воздушните рути кон западниот дел од земјата функционираат нормално, без прелетување над конфликтните области, а чартер летовите од Европа, вклучително и од регионот, се одвиваат без прекини.

The post 📷 АНТАЛИЈА Е ПОДГОТВЕНА ЗА НЕЗАБОРАВЕН ОДМОР Војната на Блискиот Исток не ги одвраќа туристите од Турција appeared first on plusinfo.mk.

Полицијата на граничниот премин Дојран, според неофицијални информации, спречила обид за шверц на околу 10 килограми марихуана, која била внимателно сокриена во пластични пакувања со различни прехранбени намази.

Според неофицијалните информации, државјани на Македонија со рент-а-кар возило се обиделе дрогата да ја пренесат кон Грција. Марихуаната била распределена во околу 50 пластични кутии за да не предизвика сомнеж при граничната контрола.

Ова е уште еден случај што, според безбедносните извори, покажува дека контролите на македонските граници се значително засилени, а полицијата и царината со поголема внимателност ги откриваат обидите за прекуграничен криминал.

Само во изминатиот период, на истиот граничен премин бил спречен и обид за транспорт на поголема количина марихуана во товарно возило.

Од надлежните служби посочуваат дека криминалните групи постојано бараат нови методи за шверц, но и дека институциите успешно ги следат и пресретнуваат ваквите активности.

Полицијата и царината продолжуваат со засилени контроли на граничните премини со цел спречување на шверцот и другите форми на организиран криминал.

Повеќе детали за оваа заплена се очекува да соопшти директорот на Царинската управа Бобан Николовски ќе одржи прес-конференција во 11 часот на која ќе информира за случај на заплена од историски размери.

The post 📷 ШВЕРЦЕРИ КРИЕЛЕ МАРИХУАНА ВО НУТЕЛА И ВО ДРУГИ НАМАЗИ Откриени 10 килограми дрога на ГП Дојран appeared first on plusinfo.mk.