АРИФИ ПО СОСТАНОКОТ НА КРИЗНИОТ ШТАБ Нема изјави додека не се добијат официјални податоци од истражните органи
Се очекуваат повеќе детали за несреќата во текот на ноќта или утрешниот ден.
Градоначалничката на Тетово , Теута Арифи по состанокот на кризниот штаб изјави дека нема да се даваат изјави, ниту детали за трагедијата, се додека не се добијат попрецизни информации по завршувањето на истрагата.
Од истите причини и премиерот Зоран Заев ја напушти зградата на Општина tетово без изјава. Се очекуваат повеќе детали за несреќата во текот на ноќта или утрешниот ден.
Премиерот Заев пред тоа на фејсбук изрази сочувство до семејствата за починатите во пожарот.повредените и најави брзо утврдување на причините.
„Огромна трагедија се случи во тетовскиот КОВИД-19 центар. Експлозија предизвикала пожар. Пожарот е изгаснат, но згаснаа и многу животи. Борбата за живот трае сѐ уште, a сите служби реагираа пожртвувано и спасуваат луѓе. Изразувам најдлабоко сочуство до семејствата и блиските на починатите и посакувам брзо закрепнување на повредените. Причините за пожарот ќе бидат утврдени, за што правосудните органи се веќе на терен. Ова е навистина трагичен настан и можам да ве уверам дека целиот државен врв е посветен на брзо разрешување на оваа ситуација. Во моментов трае кризниот штаб во Општина Тетово“, напиша Заев на Фејсбук