АПСЕЊЕ ВО КАРПОШ ПОРАДИ УБИСТВО ВО ГАЗИ БАБА? Приведен е 33-годишен скопјанец

На подрачјето на Карпош полициски службеници од СВР Скопје вчера во 21:00 часот го лишиле од слобода М.И. (33) од Скопје, постапувајќи по пријава околу 12:50 часот според која во семејната куќа на подрачјето на Гази Баба бил пронајден починат неговиот татко Џ.И. (62), информираше Министерството за внатрешни работи (МВР).

„Лекар од Итна медицинска помош констатирал смрт и повреди од огнено оружје. Увид на местото извршила екипа од СВР Скопје, а покрај починатиот биле пронајдени неколку чаури. По целосно документирање на случајот ќе биде поднесен соодветен поднесок“, се вели во соопштението.