„АНТИЕВРОПСКОТО ОДНЕСУВАЊЕ ИМ НОСИ САМО ШТЕТА“ Румен Радев ги коментира изјавите за македонското малцинство во Бугарија
Очигледно, некои политичари во Cеверна Македонија се обидуваат да ја осознаат реалноста на потешкиот начин. Тоа не им носи никаква полза – изјави претседателот на Бугарија.
Бугарскиот претседател Румен Радев реагираше на изјавите на неговиот колега Стево Пендаровски дека македонското малцинство во Бугарија е факт и оти треба да биде впишано во Уставот на Бугарија, исто како што Софија бара внесување на Бугарите во Уставот на Македонија.
Можеби ќе ве интересира
– Очигледно, некои политичари во Cеверна Македонија се обидуваат да ја осознаат реалноста на потешкиот начин. Тоа не им носи никаква полза. Напротив, досега имаа доволно поводи и настани за да се убедат дека нивното антиевропско однесување и однос кон Бугарија на ниту еден начин не им носи придобивки и ги оддалечува од нивното членство во ЕУ – изјави Радев пред новинари во градот Летница на северот од Бугарија.