ЈАНЧЕВ СЕ СРЕТНА СО СТОМАТОЛОЗИ, ВЕЛОСИПЕДИСТИ, РАКОМЕТАРИ Презентирани уште многу планирани проекти за кавадарчани ВИДЕО
Актуелниот градоначалник на Кавадарци и кандидат за втор мандат Митко Јанчев, заедно со носителот на листата за советници д-р Стојанче Рамов денеска имаше средба со дел од стоматолозите во градот.
Јанчев ги пречека и велосипедистите кои возеа за Тоше.
– Нашите велосипедисти пристигнаа во Кавадарци. Оваа година по четврти пат се возеше со велосипеди акцијата „Од срце за Тоше“, посветена на ликот и делото на еден од најголемите Македонци во нашата понова историја. Ги пречекавме по извозени над 900 километри со велосипеди. Секоја чест момци! Ви посакуваме наредната година уште поголеми успеси – им порача градоначалникот.
Вчера вечерта се одржа мини митинг во 20 часот во УЗ Кула1 .Жителите на УЗ Кула 1 се позитивно расположени. Во оваа урбана заедница една од најважните работи е изградбата на нов Зелен пазар. Со пораката „Кавадарци за сите“, се зоруваше за многу реализирани проекти, а беа презентирани и голем број планирани проекти.
Можеби ќе ве интересира
Вчера Јанчев се сретна со ракометарите на ГРК Тиквеш, на кои им порача дека и во наредниот мандат ќе продолжи со максимална поддршка за ракометот во Кавадарци.
– Со реконструкција на спортските објекти ги подобруваме условите за тренинг и за одржување на натпревари. На ракометарите им посакавме и многу среќа на денешниот натпревар. Да го направиме Кавадарци победничко. Кавадарци за сите спортисти – рече градоначалникот.
Тој заедно со Рамов, носител на советничката листа на ВМРО -ДПМНЕ и коалицијата за Обнова на Македонија, синоќа се сретна со жители во село Дреново и во село Возарци.