Алтернатива: Итнa вакцинација на попишувачите
Додека не е предоцна, ја повикуваме Владата да го прифати нашиот предлог и да не игра со судбината и здравјето на граѓаните, наведено е во соопштението на Алтернатива.
Откако и директорот на Државниот завод за статистика, Апостол Симовски, јавно призна дека четворица инструктори се заразени со ковид-19, ова значи дека ќе има попишувачи заразени кои за неколку дена ќе излезат на терен да започнат со ова постапка низ целата земја, реагираше Алтернатива преку соопштение.
„Имајќи ја предвид неспособноста на Владата да управува со ковид-19, сметаме дека итна вакцинација на попишувалите и сите оние кои учествуваат во овој процес на попис е неминовна потреба. Алтернатива бараше да се почитуваат препораките на ООН, според кои во време на пандемија не смее да се спроведува попис, на oваa Влада не сакаше да ја слуша ниту ООН, ниту опозицијата, туку на своја глава влезе во процес, кој од почетокот се докажува дека носи висок ризик за заразување на граѓаните, без разлика дали се попишувачи или попишани. Како и да е, попис како процес веќе е започнат и враќање назад нема. Додека не е предоцна, ја повикуваме Владата да го прифати нашиот предлог и да не игра со судбината и здравјето на граѓаните“, наведено е во соопштението.