📽️ АЛКАРАЗ, ИЗВИНИ ШТО ТЕ НАРЕКОВ ЈАНИК, РЕЧЕ САБАЛЕНКА Белорусинката направи лапсус, Шпанецот ѝ прости
Карлос, човеку, многу ми е жал, изјави Сабаленка, на што Алкараз на шега ѝ возврати дека е девет часот е наутро и дека не е важно што направила лапсус. Сабаленка му возврати велејќи дека ова е најголемиот срам во нејзиниот живот.
Белоруската тенисерка Арина Сабаленка по грешка го нарече шпанскиот ас Карлос Алкараз по името на неговиот ривал, Јаник Синер, што предизвика смеа и мала глума на излегување од емисијата, јави Би-Би-Си.
– Патем, правев ТикТок видео со Јан… – изусти таа во заедничкото гостување со Алкара на „The Today Show“, но веднаш сфати дека направила лапсус.
Aryna Sabalenka accidentally calling Carlos Alcaraz Jannik on the Today Show
Carlos’ reaction:
“It’s 9 in the morning. Don’t worry it’s all good”
😂😂😂
(via @TheTodayShow) pic.twitter.com/GNng0GFqb4
— The Tennis Letter (@TheTennisLetter) September 8, 2025
Алкараз, кој во финалето токму го победи Италијанецот Јаник Синер, изреагира весело преправајќи се дека станува и ја напушта емисијата. Сабаленка се исправи со рака на неговото рамо и се извини:
– Карлос, човеку, многу ми е жал – рече таа.
Тенисерот на шега ѝ возврати:
– Девет часот е наутро, не е важно.
Сепак, белоруската тенисерка продолжи со театрална реакција:
– Ова е најголемиот срам во мојот живот.
Сцената доби големо внимание на социјалните мрежи, а фановите беа воодушевени од спонтаноста и хуморот на двајцата шампиони.