АЛИ СЕ НАВИКНУВА НА ОПОЗИЦИЈА КАКО РЕЗЕРВНА ГУМА НА БАНДАЖ Мицкоски и Таравари го оговараа лидерот на ДУИ
„Полека, но сигурно, се навикнува да биде во опозиција. Жалам што Али ги споредува својата партија и членовите со гума за спасување, очекував поголема креативност“, изјави премиерот Христијан Мицкоски.
„Ахмети полека се навикнува да биде во опозиција, се надевам дека ќе се навикне уште подобро, само треба адаптација, ништо друго“.
Ова го изјави министерот за здравство, Арбен Таравари, како одговор на новинарско прашање за повикот на лидерот на ДУИ „коалицијата Вреди да излезе од владата за да му покаже на премиерот Христијан Мицкоски каде му е патот“.
Министерот Таравари и премиерот Христијан Мицкоски присуствуваа на промоција на новиот апарат за магнетна резонанца во поликлиниката „Идадија“ .
Премиерот изјави дека нема што да додаде на тоа што го рече министерот за здравство.
– Полека, но сигурно, се навикнува да биде во опозиција. Жалам што Али ги споредува својата партија и членовите со гума за спасување, очекував поголема креативност – додаде Мицкоски.
Тој сепак изрази надеж дека партијата ДУИ ќе се реформира и ќе има подобар пристап, наместо досегашните „крадење и пакости кои ѝ биле главен приоритет на партијата“.
Премиерот изјави дека Европскиот фронт не успеа во првичните обиди за дестабилизација, па сега преминува на помека реторика, односно на граѓански протести. Мицкоски потенцираше дека сепак секој има право на граѓански протест и дека тоа е убавината на демократијата.
– Ако протестите преминат во насилство, тогаш мораме да ги одбраниме институциите – потенцираше тој.
Околу предлог-законот за ветинг, предложен од ДУИ, Мицкоски изјави дека се надевал оти ваков тип на хумор и сатира ќе заврши кога ДУИ ќе оди во опозиција.