🎥 АЛИ АХМЕТИ ПАК СЕ РАСПЕА ВО АВТОМОБИЛ Овојпат ја опејува борбата на Албанците против словенските народи

„Колку за ќеф. Гласај за број 4. Европски фронт. Заедно“, напиша Груби под видеото.

Од плусинфо Објавено 12/04/2024 9:45:03

Министерот за политички систем и односи меѓу заедниците од редовите на ДУИ, Артан Груби, објави ново видео на кое се гледа и се слуша како пее лидерот на партијата Али Ахмети.

Тој ја пее албанската песна позната како „Лошиот Хисен“, а во неа се „опејува“ борбата на Албанците со пушки и со барут против „Шкиите“, погрден збор за словенските народи, вклучително и македонскиот и српскиот народ.