АКО ТРАМП ГИ НАПАДНЕ ИРАНСКИТЕ ЕЛЕКТРАНИ ВОЈНАТА ЌЕ ЕСКАЛИРА Кина апелира за итен прекин на огнот
Употребата на сила само ќе доведе до маѓепсан круг на размена на напади, вели портпаролот на кинеското Министерство за надворешни работи, Лин Џијан.
Кина денеска предупреди на ризикот ситуацијата на Блискиот Исток да излезе од контрола доколку американскиот претседател Доналд Трамп ја спроведе својата закана за уништување на иранските електрани.
За време на редовната прес-конференција, портпаролот на кинеското Министерство за надворешни работи, Лин Џијан, го повтори повикот на Кина за итен прекин на огнот.
– Употребата на сила само ќе доведе до маѓепсан круг на размена на напади – рече Џијан.
Како економски и политички партнер на Иран, Кина остро ги осуди нападите на САД и Израел врз Иран, кои почнаа на 28 февруари.
Кина, исто така, имплицитно ги критикува нападите на Иран врз земјите во регионот и блокадата на Ормуската Теснина.
Парискиот весник „Ле Монд“ објави дека Пекинг дискретно работи на смирување на тензиите преку дипломатски канали.