АКО Е ЗА АИР, ДОСТА Е! Тито Петковски се повлекува од функцијата претседател на НСДП

По цели 17 години на врвот на партијата НСДП, поранешниот собраниски спикер Тито Петковски реши да ја напушти претседателската функција и да им ја препушти партијата на помладите членови.

Ова за „Слободен печат“ го изјавил самиот Петковски, истакнувајќи дека на партијата ѝ е потребна нова енергија.

– Доста е, ако е за аир. На состанокот најавив дека ќе се повлечам од претседател на партијата. Мислам дека на партијата ѝ треба нова енергија и луѓе што ќе може да комуницираат со многу повеќе мотив за претставување на НСДП – изјавил Петковски.

Најсериозни кандидати за наследници на Петковски се потпретседателот на партијата Горан Мисовски и организацискиот секретар Кристијан Трајковски.

Кој од нив двајца ќе ја предводи партијата, ќе се знае на петтиот партиски конгрес закажан за 4 јуни.