АХМЕТИ ВО „ШЕСТКАТА“, СЕЛА ВО „ПЕТКАТА“, БЕЏЕТИ ВО „КЕЦОТ“ Познати се листите за пратеници на ДУИ и коалицијата

Генералното собрание на Демократската унија за интеграција денеска во Тетово го одржа шестиот состанок на кој се расправаше за Европскиот фронт, претседателските избори и утврдување на кандидатските листи за пратеници.

Претседателот Али Ахмети ги информираше членовите на Генералното собрание на ДУИ за формирањето на Европскиот фронт и заедничката програма на коалицијата за евроинтеграции и спречување на руските влијанија во нашата земја и регионот.

„Уставни измени, евроинтеграцијата, добрососедството, бескомпромисната борба против организираниот криминал и корупција, економскиот рамковен договор, бе клучните зборови на заедничката програма. Едногласно Генералното собрание на ДУИ го поддржа формирањето на Европскиот фронт и заедничката кандидатура за претседател на Бујар Османи. Генералното собрание на ДУИ ги потврди листите со кандидати за пратеници на Европскиот фронт презентирани од претседавачот Ахмети, и тоа:

I-ва изборна единица, носител на листа Блерим Беџети
II изборна единица, носител на листа Садула Дураку
III изборна единица, носител на на листа Сулејман Баки
IV изборна единица, носител на листа Енвер Хусеин
V-та изборна единица, носител на листа Зијадин Села
VI-та изборна единица, носител на листа Али Ахмети

Генералното собрание на Демократската унија за интеграција ги повикува сите членови на ДУИ и сите граѓани да го поддржат Европскиот фронт и нашата кандидатура за претседателските избори д-р. Бујар Османи“, се вели во партиското соопштение.