АХМЕТИ ИМА НОВ СОВЕТНИК ЗА ОДНОСИТЕ СО САД Партијата не ги коментира реакциите на Муцунски и на Филипче
Избрани се нови претседатели на локалните ограноци, а Арта Биљали Зендели е нов портпарол на ДУИ.
ДУИ избра нови претседатели на локалните ограноци, како и нови партискиски функционери на седница на Претседателството на партиијата, по конгресот што се одржа викендов.
Шеф на кабинетот на Ахмети ќе биде Фатон Ахмети, а портпарол на партијата ќе биде Арта Биљали Зендели.
Избрани се нови претседатели на локалните ограноци.
– Советник на претседателот Ахмети за односи со Соединетите Американски Држави ќе биде Шемседин С. Бекири. Во согласност со одредбите на статутот што го усвоивме на конгресот во саботата, именувани се и претседатели на ограноците на ДУИ. За Тетово е именуван Бајрам Реџепи, за Куманово Ридван Асани, за Струга Фатон Положани, за Гостивар Валдет Џафери и за огранокот во Чаир, Бујар Османи – изјави по седницата портпаролката Арта Биљали Зендели.
Таа не даде коментар за изјавите од министерот за надворешни работи Тимчо Муцунски кој рече дека Ахмети живее во филмот од пред 20 години, ниту на претседателот на СДСМ Венко Филипче дека нема да дозволи на никој начин да се уништи Македонија.
– Ние сме на првиот состанок на претседателството на Централниот одбор и со оглед на тоа што сме фокусирани во понатамошното развивање на Демократската унија за интеграција, јас би претпочитала да ги оставам тие одговори и реакции на Муцунски и Филипче на нив, не би сакала да коментирам – рече Биљали Зендели.